1.8K
ජනවාරි 01 වැනිදා සිට යාල වනෝද්‍යානයට ඇතුළු වීමට අවසර ලැබෙන්නේ පුහුණු සහ සහතිකලත් සෆාරි ජීප් රථ රියදුරන්ට පමණක් බව ශ්‍රී ලංකා සංචාරක සංවර්ධන අධිකාරිය පවසයි. සංචාරකයන්ගේ ආරක්ෂාව, සංචාරක කර්මාන්තයේ ගුණාත්මකභාවය මෙන්ම වන සතුන්ගේ ආරක්ෂාව ගැන සැලකිල්ලට ගෙන මේ තීරණය ගෙන තිබේ.
යාල ජාතික වනෝද්‍යානයේ වනජීවී සංචාරක කර්මාන්තයේ ගුණාත්මකභාවය ඉහළ නැංවීම සඳහා පත් කළ කමිටුව විසින් ලබා දුන් නිර්දේශවලට අනුව මේ තීරණය ගෙන තිබේ. ඒ අනුව වනජීවී සංරක්ෂණ දෙපාර්තමේන්තුව නිකුත් කරන ලද හැඳුනුම්පත ඇතුළු ලියකියවිලි නොමැතිව වනෝද්‍යානයට සෆාරි ජීප් රථ ඇතුළු කිරීමට අවසර නොලැබෙනු ඇත.
