1.4K
ඉන්දීය සාගර කලාපයේ ආරක්ෂාව තහවුරු කිරීමේ මූලස්ථානය ශ්‍රී ලංකාවේ පිහිටුවීමට කලාපීය රටවල් තීරණය කර තිබේ.
මොරිසස් දිවයිනේ කලාපයේ රටවල් එක්ව ඉකුත්දා පැවැති ආරක්ෂක උපදේශකවරුන්ගේ සමුළුවේදී ශ්‍රී ලංකාව නියෝජනය කරමින් ජාතික ආරක්ෂාව පිළිබඳ ජනාධිපති උපදේශක සාගල රත්නායක ඉහත යෝජනාව ඉදිරිපත් කිරීමෙන් අනතුරුව සමුළුව ඊට එකඟතාව පළ කර ඇත. සාගර කලාපයේ ආරක්ෂාව තහවුරු කිරීමේ කොළඹ ආරක්ෂක ප්‍රකාශයද මෙහිදී එළි දක්වා ඇත.
මේ අනුව දැනට ඉන්දීය සාගර කලාපයේ ආරක්ෂාව තහවුරු කිරීමේ මූලස්ථානය ලබන ජනවාරියේදී කොළඹ බණ්ඩාරනායක ජාත්‍යන්තර සම්මන්ත්‍රණ ශාලාව කේන්ද්‍ර කර ගනිමින් පිහිටුවා පසුව එය ස්ථිර ගොඩනැගිල්ලක ස්ථාපිත කිරීමට නියමිතය. ඉන්දියාව සහ දකුණු ආසියානු කලාපයේ සාගරය ආශ්‍රිත රටවල් සහ දකුණු අප්‍රිකා රටවල නියෝජිතයෝද මෙම සමුළුවට සහභාගී වූහ.
