ශ්‍රී ලංකා පුවත්පත් මණ්ඩලයේ 50 වැනි සංවත්සරය දෙසැම්බර් 09 වැනිදා

ශ්‍රී ලංකා පුවත්පත් මණ්ඩලයේ 50 වැනි සංවත්සරය රාජගිරිය බැංකු විදු පියසේදී දෙසැම්බර් 09 වැනිදා පස්වරු 2. 00ට අභිමානවත් අයුරෙන් පැවැත්වීමට කටයුතු යොදා තිබේ. සංඛ්‍යාංක යුගයේ පුවත්පත් කලාව තේමාත්මක කරගනිමින් සංවිධානය කර ඇති මෙහි මුඛ්‍ය දේශනය පවත්වනු ලබන්නේ මොරටුව විශ්වවිද්‍යාලයේ ව්‍යාපාර පීඨයේ පීඨාධිපති මහාචාර්ය දිනේෂ් සමරසිංහ විසිනි. මෙහිදී මාධ්‍ය අධ්‍යයනය හා පුවත්පත් කලාව ඩිප්ලෝමා පාඨමාලාවේ 10 වැනි කණ්ඩායමේ ඩිප්ලෝමාධාරීන්ගේ සහතිකපත් ප්‍රදානය සහ ජනමාධ්‍යවේදීන් වෙනුවෙන් පාසල් උපකරණ කට්ටල පිරිනැමීමටත්, මාධ්‍ය සමීක්ෂා -5 ග්‍රන්ථය එළි දැක්වීමටත් නියමිතය.