ප්‍රමුඛ පෙළේ රක්ෂණ සහ ප්රතිරක්ෂණ තැරැව්කාර සමාගමක් වන Asia Corp Insurance Brokers (Pvt.) Ltd, ශ්‍රී ලංකාවේ ප්‍රමුඛතම ජීවිත රක්ෂණ සමාගමක් වන සණස රක්ෂණ සමාගම සමඟ පසුගියදා ප්රතිරක්ෂණ පහසුකම් සැපයීමට අදාළ ගිවිසුමකට එළැඹුනේය.
මීට අදාළ උත්සවය කොළඹ 80 සමාජ ශාලාවේදී පවත්වන ලද අතර Asia Corp වෙනුවෙන් එහි සභාපති සුනිල් ද සිල්වා මහතා සහ අධ්‍යක්ෂ මණ්ඩලය ද, අයිඩියල් සමූහ ව්‍යාපාරයේ සමූහ සභාපති නලින් වෙල්ගම මහතා සමඟින් දෙපාර්ශ්වයේ ආරාධිතයන් පිරිසක් පැමිණ සිටියහ.
සුනිල් ද සිල්වා සහ නලින් වෙල්ගම මහත්වරු ද. සණස ජීවිත රක්ෂණ සමාගම නියෝජනය කරමින් එහි ප්‍රධාන විධායක නිලධාරී අයිවන් නිකලස් මහතා ද සභාව ඇමතුවේය. විශේෂයෙන්ම ශ්‍රී ලංකාවේ පවතින අර්බුදකාරී තත්ත්වයත් සමඟ ප්‍රතිරක්‍ෂණකරුවන් රටින් පිටවෙමින් සිටින වාතාවරණයක් තුළ මෙවැනි කටයුත්තක් වෙනුවෙන් කැපවීම පිළිබඳ Asia Corp Insurance Brokers (Pvt.) Ltd සමාගමට මෙහිදී විශේෂ ස්තුතියක් හිමි විය.
