පරිසර හිතකාමීත්වය වෙනුවෙන් CIOB Green ප්ලැටිනම් සම්මානය බ්‍රැන්ඩික්ස් සමාගමට

ශ්‍රී ලංකාවේ ඉදිකිරීම් ක්ෂේත්‍රය තුළ තිරසාරත්වය සම්බන්ධයෙන් පෙන්නුම් කළ විශිෂ්ට නායකත්වය වෙනුවෙන්, පසුගියදා පැවති CIOB Green Awards 2023 සම්මාන උළෙලේදී ‘Leadership towards Sustainability Award’ කාණ්ඩය යටතේ ප්ලැටිනම් සම්මානයක් හිමිකරගැනීමට බ්‍රැන්ඩික්ස් සමූහය සමත් විය.

ශ්‍රී ලංකාවේ ප්‍රමාණාත්මකව වැඩිම හරිත ගොඩනැගිලි වපසරියක් හිමි බ්‍රැන්ඩික්ස් සමූහයේ, එම ප්‍රමාණය වර්ග අඩි 519,042 කි. මේ වනවිට සහතිකලත් හරිත ගොඩනැගිලි 5 ක් පවතින අතර, මින් දෙකක් LEED Platinum ද, දෙකක් LEED Gold ද එකක් GreenMark Platinum ද ලෙස බ්‍රැන්ඩික්ස් සමූහය සතුවේ. ලොව ඇඟලුම් නිෂ්පාදන සමාගම් අතරින් Net Zero Carbon තත්ත්ව සහතිකය හිමිකරගත් ප්‍රථම සමාගම වන්නේද බ්‍රැන්ඩික්ස් ය. මේ වනවිට එහි කර්මාන්තශාලා 6 කට Net Zero Carbon තත්ත්වය හිමි වී තිබේ.