නව ආර්ථික ප්‍රතිසංස්කරණ සිදු කිරීමේදී මෙරට ජනතාව කටයුතු කරන ආකාරය ජාත්‍යන්තර මූල්‍ය අරමුදලේ පැසසුමට ලක්ව ඇති බවත් එම නිසා දෙවෙනි ණය වාරිකය ලබාදීමට ඔවුන් කඩිනමින් සාකච්ඡා පවත්වනු ඇති බවත් වැඩබලන මුදල් අමාත්‍ය ෂෙහාන් සේමසිංහ පවසයි. මෙරට රාජ්‍ය බදු ආදායම සම්බන්ධයෙන්ද ජාත්‍යන්තර මූල්‍ය අරමුදලේ අවධානය යොමුව ඇති බව පෙන්වා දුන් ඇමැතිවරයා පැවසුවේ වර්තමානයේ බදු ගෙවන පිරිසට අමතරව බදු ගෙවිය යුතු සෙසු පිරිස් සම්බන්ධයෙන් මේ වන විට අවධානය යොමු කර ඇති බවයි.
පසුගිය වසරට සාපේක්ෂව මෙරට රාජ්‍ය ආදායම සියයට 43ක වර්ධනයක් පෙන්නුම් කර ඇතැයිද පැවසූ ඇමැතිවරයා දේශීය ණය ප්‍රශස්තකරණ වැඩසටහන බොහෝ දුරට සම්පූර්ණ කර ඇති බවත් 70%ක්ව තිබූ උද්ධමනය අද 1. 3%ක දක්වා පහළ බැස ඇති බවද පෙන්වා දුන්නේය.
උද්ධමනය අඩු වීම රටේ ආර්ථිකයට විශාල ශක්තියක් බවට පත්ව ඇති බවත් පසුගිය වසරේ 30%ත් ඉක්මවා ගිය භාණ්ඩාගාර බිල්පත්වල පොලී අනුපාතය මේ වන විට 13% ක් පමණ දක්වා අඩුව ඇති බවත් එම අඩු වීම මහා භාණ්ඩාගාරයට විශාල ශක්තියක් බවද ඇමැතිවරයා පෙන්වා දුන්නේය.
තාරක වික්‍රමසේකර