246
රුහුණු මහා කතරගම දේවාලයේ ඇසළ පෙරහර මංගල්‍යයේ අවසාන රන්දෝලි මහ පෙරහර 10 වෙනිදා රාත්‍රී පැවැත්වේ. පසු දින මැණික් ගඟේ ජීවමාලී තොටුපොළේ දිය කැපීමෙන් උත්සව කටයුතු නිමාවට පත්වේ.
කතරගම මහා දේවාලයෙන් ආරම්භ වන පෙරහර ගණපති දේවාලය සහ අෂ්ඨඵල බෝධිය වටා ගමන් කිරීමෙන් අනතුරුව ප්‍රධාන වාහල්කඩ දොරටුවෙන් පිටව වීදිය ඔස්සේ වල්ලි අම්මා දේවාලයට පැමිණ පෞරාණික චාරිත්‍ර ඉටු කිරීමෙන් පසු නැවත මහ වීදිය ඔස්සේ කතරගම මහා දේවාලයට ගෙවැදීමට නියමිතය. මෙවර ඇසල මංගල්‍යය උඩරට, පහතරට සහ සබරගමු සම්ප්‍රදායන්ට අයත් නැටුම් කණ්ඩායම් රාශියක් සහභාගී වන අතර අලි ඇතුන් විශාල පිරිසක් පෙරහරට එක්වේ.
