37
මෙරට ළමා ආරක්ෂාව තහවුරු කිරීම අරමුණු කර ගනිමින් ජාතික ළමා ආරක්ෂණ ප්‍රතිපත්තිය සඳහා පස් අවුරුදු ක්‍රියාකාරී සැලැස්මක් ක්‍රියාත්මක කිරීමට රජය තීරණය කර තිබේ.
ඒ අනුව ‘සුරක්ෂිත ළමා ලෝකයක් – නිර්මාණශීලී අනාගත පරපුරක්’ යන ප්‍රතිපත්තිමය බැඳියාවන්ට අනුගත වන පරිදි බහු ආංශික ප්‍රවේශයකින් සමන්විත ‘ළමා ආරක්ෂණය පිළිබඳ ජාතික ප්‍රතිපත්තිය’ සඳහා වන පස් අවුරුදු ජාතික ක්‍රියාකාරී සැලැස්මක් ක්‍රියාත්මක කිරීමේ අරමුණින් ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමිව තිබේ.
ළමා ආරක්ෂාව හා සම්බන්ධ විෂය ක්ෂේත්‍ර දහයක් ආවරණය වන පරිදි ඒ වෙනුවෙන් කටයුතු කරනු ලබන පාර්ශ්වයන්ගේ අදහස් හා යෝජනා ද සැලකිල්ලට ගනිමින් මෙම ‘ජාතික ළමා ආරක්ෂණ’ ප්‍රතිපත්තිය සඳහා වන පස් අවුරුදු ජාතික ක්‍රියාකාරී සැලැස්ම සකස් කර ඇත.
