116
සංචාරකයින් 116,469 දෙනෙකු ජුනි මාසයේ මේ දක්වා මෙරටට පැමිණ ඇතැයි ශ්‍රී ලංකා සංචාරක සංවර්ධන අධිකාරියේ (SLTDA) දත්ත පෙන්වා දෙයි.
සංචාරක සංවර්ධන අධිකාරිය විසින් නිකුත් කරන ලද දත්ත වලට අනුව, ඉන්දියාවෙන් සංචාරකයින් 32,977 දෙනෙකු පැමිණ ඇති අතර එය 28.3% කි. තවද, ජුනි මාසයේදී එක්සත් රාජධානියෙන් පුද්ගලයින් 9,429 ක්, චීනයෙන් 7,326 ක්, බංග්ලාදේශයෙන් 5,739 ක් සහ ඕස්ට්‍රේලියානු ජාතිකයින් 5,736 ක් ද ශ්‍රී ලංකාවට පැමිණ ඇත.
මේ අතර, ජුනි මාසය සඳහා නවතම සංඛ්‍යාලේඛන නිකුත් කිරීමත් සමඟ 2025 වසරේ ගතවූ කාල සීමාව තුළ දී ශ්‍රී ලංකාවට පැමිණි සංචාරකයින් සංඛ්‍යාව 1,146,272 දක්වා ඉහළ ගොස් තිබේ.
ඔවුන් අතර, ඉන්දියාවෙන් පුද්ගලයින් 237,037 ක්, රුසියාවෙන් 112,118 ක් සහ එක්සත් රාජධානියෙන් 105,703 ක් වේ.
