සමගි ජන බලවේගය පක්ෂයෙන් තරග කොට කොළඹ මහ නගර සභාව සඳහා තේරී පත් වී ඇති රීසා සරුක් කොළඹ මහ නගර සභාවේ නගරාධිපති ලෙස තෝරා පත් කර ගැනීමට එක්සත් ජාතික පක්ෂයේ සහයෝගය නොදෙන ලෙස මෙවර පළාත් පාලන මැතිවරණයේදී එක්සත් ජාතික පක්ෂය නියෝජනය කරමින් තේරී පත් වූ සභිකයකු වන රම්සි ටෝනි, එක්සත් ජාතික පක්ෂයේ මහ ලේකම්වරිය වෙත ලිපියක් යවමින් ඉල්ලා සිටී.
රීසා සරුක් සම්බන්ධයෙන් මහජනතාව තුළ ඇති ප්‍රතිරූපය අනුව එවැන්නකු කොළඹ මහ නගර සභාවේ නගරාධිපති ධුරයට පත් කරගැනීමට සිය ඡන්දය භාවිත කළ නොහැකි බවත් ඔහු පවසයි. සිය ලිපිය මඟින් ඔහු වැඩිදුරටත් පවසන්නේ එජාපය සහ සමගි ජන බලවේගය සාකච්ඡා පවත්වා නගරාධිපති ධුරයට සුදුසු අපේක්ෂකයකු නම් කිරීමට තවමත් අවස්ථාව පවතින අතර, එසේ නගරාධිපති ධුරය සඳහා අපේක්ෂකයකු නම් කරනු ලැබුව හොත්, එකී අපේක්ෂකයාගේ ජයග්‍රහණය වෙනුවෙන් හැකි උපරිමයෙන් කටයුතු කර ඔහුගේ ජයග්‍රහණය සහතික කිරීමට තමා කැප වන බවය
