කොළඹ මහ නගර සභාවේ 2023 හා 2024 වසරවලට අදාළව මහා පරිමාණ සංග්‍රහ මුදල් වංචාවක් සම්බන්ධයෙන් විගණනයෙන් අනාවරණය කරගෙන තිබේ.
එම වංචාවේ එක් අක්‍රමිකතාවක් වන්නේ මහ නගර සභාවේ 2023 හා 2024 වසරේ රැස්වීම් වාර 4ක් වෙනුවෙන් සංග්‍රහ වියදම් ලෙස රුපියල් මිලියන ගණනක සිදු කළ අක්‍රමිකතාවකි. ඒ සම්බන්ධයෙන් කොළඹ මහ නගර සභාවේ ජාතික විගණන උප කාර්යාලයෙන් WPLG/CL/A/CMC/AQ/2024/01 අංකයෙන් යුතුව විගණන විමසීමක්ද කර තිබේ.
සභිකයන් 119කගෙන් සමන්විත කොළඹ මහ නගර සභාවට 440කට පමණ සංග්‍රහ ලබා ගෙන ඇති අතර, මන්ත්‍රීවරුන් නොවන මහ නගර සභාවේ නිලධාරීන් තුන්සීයකට අධික පිරිසක් වෙනුවෙන්ද ආහාරපාන වෙනුවෙන් රු. 3,826,376ක මුදලක් දරා ඇති නමුත් පැවැත්වූ සභා වාර 4න් සභා වාර 3කටම සහභාගි වී ඇත්තේ නිලධාරීන් 10ක් හෝ ඉන් අඩු ප්‍රමාණයකි. එහෙත් පැවැත්වූ සභාවාරයන්ට පිළිවෙළින් නිලධාරීන් 304ක්, 303ක්, 304ක්, 373ක් සහභාගි වූ බවට ව්‍යාජ වාර්තා ලබා දී එමෙන්ම SHAO LOUNG (PVT) LTD ආයතනයෙන් ආහාරපාන මිල දී ගත් බවට ව්‍යාජ බිල් පත්ද ඉදිරිපත් කර ඇති බව අනාවරණය වේ.
