සුවතා මාසය වෙනුවෙන් ස්පා සිලෝන්, ෂැංග්‍රිලා, මාස්ටර්කාඩ් එක්වේ

ලොව විශාලතම සුඛෝපභෝගී ආයුර්වේදීය සුවතා ජාලයක් වන Spa Ceylon සෑම වසරකම ජුනි මාසයේ දියත් කරන සුවතා මාසය (Wellness Month) වෙනුවෙන් Shangri-La Colombo සහ Mastercard සමඟ එක්ව කටයුතු කරන්නට තීරණය කර තිබේ.

ජුනි මාසය පුරා යෙදී ඇති වැදගත් දින වන; ලෝක සාගර දිනය, පරිසර දිනය, ගෝලීය සුවතා දිනය, අන්තර්ජාතික යෝගා දිනය වැනි සුවිශේෂ දින ආශ්‍රය කරගෙන මේ වැඩසටහන් සංවිධානය කිරීමට Spa Ceylon සැලසුම් කර තිබේ. සුවතා මාසය 2025 නිල වශයෙන් ආරම්භ කිරීම වෙනුවෙන් Spa Ceylon, Shangri-La Colombo & Mastercard එක්ව මාධ්‍ය හමුවක් පැවැත්වූ අතර, ඒ වෙනුවෙන් Fitness සහ Wellness අංශයේ ප්‍රවීණයන්, ව්‍යාපාරික ප්‍රජාවේ සාමාජිකයන් මෙන්ම තවත් අනුග්‍රාහක පිරිසකගේ සහභාගිත්වය ලැබී තිබිණි.