සෙලාන් බැංකුව 2025 පළමු කාර්තුවේදී වේගවත් වර්ධනයක

සෙලාන් බැංකුව 2025 වසරේ පළමු කාර්තුවේදී රු.මි. 4,199ක බදු පෙර ලාභයක් වාර්තා කිරීමට සමත් විය. මෙය 2024 වසරේ පළමු කාර්තුවේදී වාර්තා වූ රු.මි. 3,704ට සාපේක්ෂව 13.36% ක වර්ධනයකි.

2025 මාර්තු 31 දිනයෙන් අවසන් වූ මාස 3 සඳහා සෙලාන් බැංකුව රු. මි. 2,761ක බදු පසු ලාභයක් වාර්තා කර ඇත. මෙය පෙර වසරේ අදාළ කාල පරිච්ඡේදය තුළ වාර්තා වූ රු.මි. 2,295ට සාපේක්ෂව 20.29%ක වර්ධනයකි.

එසේම මූල්‍ය ක්‍රියාකාරීත්ව ප්‍රකාශයට අනුව, 2025 මාර්තු 31න් අවසන් වූ මාස 3ක කාලය සඳහා සෙලාන් බැංකුවේ ශුද්ධ පොලී ආදායම, පෙර වසරේ අදාළ කාල පරිච්ඡේදය තුළ වාර්තා වූ රු.මි. 9,371ට සාපේක්ෂව 8.37%කින් පහළ ගොස්, රු.මි. 8,587ක් ලෙස වාර්තා වී ඇත. වෙළෙඳපොළ පොලී අනුපාත පහළ යාම සහ ණය හා තැන්පතු ප්‍රතිමිලකරණය මීට ප්‍රධාන වශයෙන් හේතු වී ඇත.