නැඟෙනහිර කොළඹ මුල්ලේරියාව මූලික රෝහල පරිසර හිතකාමී හරිත රෝහලක් ලෙස ප්‍රවර්ධනය කිරීම මේ වනවිට අරම්භ කර තිබේ. වාතය, ජලය සහ පස යන සංයුතීන් සුරැකීම මූලිකකොට ගනිමින් මිනිසාට, සතා සීපාවාට, ගහ කොළට හිතකර පරිසරයක් තනා දීම සඳහා සොබාදහම අතර පවත්නා අවියෝජනීය සබැඳියාව තහවුරු කිරීමත්, රෝගීන්ගේ කායික මානසික සෞඛ්‍යය ප්‍රවර්ධනය කිරීමත් මෙහි ප්‍රධාන අරමුණය.
රෝහල ආශ්‍රිත පරිසර පද්ධතිය ශ්‍රී ලංකාවට ආවේණික ශාකවලින් යුත් කලාපයක් බවට පත් කිරීම, වන වගාව, පළතුරු බෝග වගාව, ඖෂධීය වටිනාකමකින් යුත් ශාක වගාව සහ උද්‍යාන චිකිත්සක( Horticultural therapy) ඒකකයක් ආරම්භ කිරීම ආදී අංග මීට ඇතුළත්ව තිබේ.
මෙම වැඩසටහන සම්බන්ධයෙන් සම්පත් දායකයන්ගේ රැස්වීමක් මැයි මස 28 වැනිදා බදාදා ප.ව 02ට රෝහල් කාර්යාල පරිශ්‍රයේ ඉහළ මහලේ පිහිටි ශ්‍රවණාගාරයේදී රෝහල් අධ්‍යක්ෂවරයාගේ ප්‍රධානත්වයෙන් පැවැත්වීමට කටයුතු යොදා ඇති බව මනෝ වෛද්‍ය කේ. වී. එන්. රන්ජන් පවසයි.
