110
නඳුන් චින්තක වික්‍රමරත්න හෙවත් ‘හරක් කටා’ ඉකුත් 14 වැනිදා නඩු කටයුත්තක් සඳහා කොළඹ මහාධිකරණයට පැමිණ නැවත බන්ධනාගාරයට රැගෙන යන අවස්ථාවේදී මාධ්‍යයට සිදු කළ ප්‍රකාශය සම්බන්ධයෙන් විමර්ශනය කිරීමට ත්‍රස්ත විමර්ශන කොට්ඨාසයේ (TID) නිලධාරීන් කණ්ඩායමක් පත් කර ඇති බවත්, එම විමර්ශනය ඉකුත් බ්‍රහස්පතින්දාම (15) ආරම්භ කළ බවත් පොලිස් මාධ්‍ය කොට්ඨාසය සඳහන් කරයි.
හිටපු මහජන ආරක්ෂක ඇමැති ටිරාන් අලස් සහ සේවය අත්හිටුවනු ලැබ සිටින පොලිස්පති දේශබන්දු තෙන්නකෝන් සම්බන්ධයෙන් හරක්කටා සිදු කළ ආන්දෝලනාත්මක ප්‍රකාශයේ අන්තර්ගත තොරතුරුවල සත්‍ය අසත්‍යතාව සෙවීම, ඒ ප්‍රකාශය ජාතික ආරක්ෂාවට හෝ මහජන සාමයට තර්ජනයක් විය හැකිද යන්න සේම ටිරාන් අලස් සහ දේශබන්දු තෙන්නකෝන් යන දෙදෙනාට එල්ල වූ චෝදනාවල බරපතළකම පිළිබඳවද මේ විමර්ශනයේදී සොයා බැලීමට නියමිත බව පොලිස් මූලස්ථානයෙන් වාර්තා වේ.
