පොලිස් මාධ්‍ය කොට්ඨාසයේ ප්‍රධාන පොලිස් පරීක්ෂක මහකුමාර අභාවප්‍රාප්ත වේ

පොලිස් මාධ්‍ය කොට්ඨාසයේ වසර 10කට අධික කාලයක් මාධ්‍යවේදීන් සමඟ ළෙන්ගතුව කටයුතු කළ ප්‍රධාන පොලිස් පරීක්ෂක ඩබ්ලිව්.ඒ.ඩී.එන්. මහකුමාර ඉකුත් සිකුරාදා (09) දින හදිසියේ අභාවප්‍රාප්ත විය.

1996 වසරේ ආධුනික උපපොලිස් පරීක්ෂකවරයකු ලෙස පොලිස් සේවයට එක්වූ ප්‍රධාන පොලිස් පරීක්ෂක මහකුමාර, වසර 29ක පොලිස් සේවා කාලය තුළදී දිවයිනේ පොලිස් ස්ථාන රැසක රාජකාරි කර තිබිණි. මිය යන විට 51 හැවිරිදි වියේ පසුවූ ඔහු දරුවන් දෙදෙනෙකුගේ පියෙකි.

කළුතර, පයාගල උපන් ප්‍රධාන පොලිස් පරීක්ෂක මහකුමාර පිළියන්දල මධ්‍ය විද්‍යාලයෙන් අධ්‍යාපනය හැදැරූ අයෙකි.