25
මෙරට වැඩි අවධානයක් යොමු නොවුණු ජාතික වනෝද්‍යාන කිහිපයක්ම ගැඹුරින් ගවේෂණය කිරීමේ අවස්ථාව උදා කරමින් The Jeep Club of Sri Lanka (JCSL) විසින් සංවිධානය කරන ලද ‘Odyssey Through the Wild’ වාර්ෂික ගවේෂණ චාරිකාව පසුගියදා සාර්ථකව නිමා විය.
කිලෝමීටර් 1,000ට අධික දිගු දුරක් ආවරණය කරමින් දින හතරක් පුරා පැවති මෙම චාරිකාව සොබාදහමේ අසිරිය රසවිඳීමට තෝතැන්නක් විය. Jeep Wranglers, Grand Cherokees, සහ Cherokees යන රථ පෙළද ප්‍රමුඛ කර ගත් මෙම ගමනේදී දුර්ලභ ගණයේ දිවියන්, වලසුන්,අලි ඇතුන් මෙන්ම විවිධ පක්ෂී වර්ග රාශියක් දැක ගැනීමේ වරම දින 4ක් පුරා මින්නේරිය, ගල්ඔය සහ කුමන වන භූමි තුළ සිදු කළ සංචාරයේදී JCSL සාමාජිකයින්ට ලැබුණි. DIMO Nature Clubහි සහයෝගය ද මෙම චාරිකාවට හිමි විය .
