ශාරීරික දඬුවම් අවසන් කිරීමේ අන්තර්ජාතික දිනය ‘අපේ ළමයි’ සමරයි

ශාරීරික දඬුවම් අවසන් කිරීමේ අන්තර්ජාතික දිනය සනිටුහන් කරමින් මෙරට දරුවන් උදෙසා වන ප්‍රචණ්ඩත්වයට එරෙහිව සටන් කිරීම අරමුණු කොට සුවිශේෂී උපදේශ වැඩසටහනක් සංවිධානය කිරීමට ළමා හිංසනයට තිත පදනම (SCC) හා ළමා ආරක්ෂණ සන්ධානය (CPA) පසුගියදා කටයුතු කරන ලදි. ළමා ආරක්ෂණ උපාය මාර්ග පිළිබඳ විශේෂඥ සංසදයකින් සමන්විත වූ මෙම වැඩසටහනේදී දරුවන්ගේ අයිතිවාසිකම් වෙනුවෙන් තරුණ හඬ අවදි කරමින් සංවිධානය කළ නොරිදෙන මං – ළමා අපයෝජනය නවතමු’ චිත්‍ර තරඟයේ ජයග්‍රාහකයින් ඇගැයීමද සිදු කරන ලදි.