සම්පත් බැංකු සමූහයට අයත් විශාලතම අනුබද්ධිත සමාගම සහ දිවයිනේ ප්‍රමුඛතම මූල්‍ය සේවා සමාගමක් ලෙස ශ්‍රී ලාංකේය ජනතා විශ්වාසය දිනූ සියපත ෆිනෑන්ස් පීඑල්සී විසින් ගනුදෙනුකාර භවතුන් වෙත ලබාදෙන නව්‍යකරණය පිරි හෘදයාංගම මූල්‍ය සේවා අතරට පුද්ගලික හා ව්‍යාපාරික අවශ්‍යතා සපුරාලන විවිධාංගීකරණය කළ ණය පහසුකම් කිහිපයක් හඳුන්වා දී තිබේ.
සියපත ෆිනෑන්ස් පීඑල්සී සතු තිරසාර වර්ධනය සඳහා වූ උපායමාර්ගික දැක්ම හා අනුකූල වූ මෙම නවතම ණය පහසුකම් අතරට වත්මන් ගනුදෙනුකරුවන්ගේ අවශ්‍යතා සඳහා ඉතා කඩිනමින් ලබාගත හැකි උප ණය (Sub Loan), රථවාහන ණය (Vehicle Loan) සහ ශ්‍රී ලංකා මහ බැංකුව විසින් හඳුන්වා දුන් ශ්‍රී ලංකා හරිත මූල්‍ය වර්ගීකරණය (Sri Lanka Green Finance Taxonomy) යටතේ පරිසර හිතකාමී මෝටර් රථ හා යන්ත්‍රෝපකරණ යනාදිය මිල දී ගැනීම සඳහා ලබා දෙන හරිත ණය (Green Loan) එක් වේ.
සියපත ෆිනෑන්ස් පීඑල්සී විසින් හඳුන්වාදෙන මෙම නවතම ණය පහසුකම් හරහා ගනුදෙනුකරුවන් ඇතැම් විට මුහුණ පෑ හැකි ණය අවදානම් අවම කරමින් සමස්ත පාරිභෝගික අත්දැකීම උපරිම කිරීම අපේක්ෂා කෙරේ. මේ නව ණය පහසුකම් හරහා සියපත ෆිනෑන්ස් පීඑල්සී තරගකාරී ණය ක්ෂේත්‍රයේ නව මානයන් කරා ළඟා වෙමින් තමා වෙතට පැමිණෙන ගනුදෙනුකරුවන්ට සෑම ආකාරයකම පහසුකම් සැලසීමට බලාපොරොත්තු වේ.
