ඉකුත් මාර්තු මාසයේදී විදේශ සේවා නියුක්තිකයන්ගේ ප්‍රේෂණ එක්සත් ජනපද ඩොලර් මිලියන 693ක් වාර්තා වී ඇති අතර, එය මීට පෙර ඕනෑම වසරක මාර්තු මාසයේ වාර්තා වූ ඉහළම මාසික විදේශ සේවා නියුක්තිකයන්ගේ ප්‍රේෂණ ප්‍රමාණය බව ශ්‍රී ලංකා මහ බැංකුව පවසයි.
2023 ජනවාරි මාසයෙන් පසු වාර්තා වූ ඉහළම මාසික ජංගම ගිණුම් අතිරික්තය වාර්තා කරමින් ශ්‍රී ලංකා ආර්ථිකයේ විදේශීය අංශය ඉකුත් මාර්තු මාසයේදී අඛණ්ඩව ශක්තිමත් වී ඇති අතර, ඒ සඳහා විදේශ සේවා නියුක්තිකයන්ගේ ප්‍රේෂණ ඉහළ යෑමද හේතු වී ඇති බව ශ්‍රී ලංකා මහ බැංකුව නිකුත් කළ නිවේදනයේ දැක්වේ.
ඊට අමතරව මාර්තු මාසයේ සංචාරක ඉපැයීම් 9.6%ක වර්ධනයක් පෙන්නුම් කරන අතර, මාර්තු මාසයේ මෙරටට පැමිණ ඇති සංචාරකයන් සංඛ්‍යාව 229,298කි. ඒ මාසයේදී රාජ්‍ය සුරැකුම්පත් වෙළෙඳපොළෙහි විදේශ ආයෝජන එ.ජ. ඩොලර් මිලියන 49ක ශුද්ධ ලාභයක් වාර්තා කර ඇති බව එම නිවේදනයේ වැඩිදුරටත් සඳහන් වේ.
