මහජන බැංකුවේ කොම්පඤ්ඤවීදිය ශාඛාව නව පරිශ්‍රයකට

මහජන බැංකුවේ කොම්පඤ්ඤ වීදිය සේවා මධ්‍යස්ථානය නව පරිශ්‍රයක විවෘත කිරීම පසුගියදා සිදු කෙරිණි.

මහජන බැංකුවේ උද්‍යාන වීදිය ශාඛාවට අනුබද්ධිත මෙම සේවා මධ්‍යස්ථානය කොළඹ 02. කුමාරන් රත්නම් මාවත, අංක 90 දරන ස්ථානයේ ස්ථාපිත කර ඇති අතර, අතිනවීන ඩිජිටල් තාක්ෂණයෙන් සහ සුවිශේෂ සේවාවන්ගෙන් සමන්විතය. එමෙන්ම මෙහි ස්ථාපිත කර ඇති මහජන බැංකුවේ ස්වයං බැංකුකරණ ඒකකය (Self Banking Unit) තුළින් මුදල් ආපසු ගැනීමේ සහ මුදල් තැන්පත් කිරීමේ පහසුකම් සතියේ දින 7 පුරා දිනපතා පැය 24 පුරාම අත්විඳිය හැකිය. මේ අවස්ථාවට මහජන බැංකුවේ නියෝජ්‍ය සාමාන්‍යාධිකාරි (ශාඛා කළමනා කරණ) නලින් පතිරණගේ, සහකාර සාමාන්‍යාධිකාරි (ශාඛා කළමනාකරණ) අයි.කේ ඉන්දික ඇතුළු මහජන බැංකුවේ නිලධාරීන් සහ ගනුදෙනුකරුවෝ රැසක් සහභාගී වූහ.