ජෝන් කීල්ස් සමූහ ව්‍යාපාරයේ ආයතනික සමාජ සත්කාරක අංශය වන ජෝන් කීල්ස් පදනම (John Keells Foundation (JKF)] සිය 20 වැනි සංවත්සරය වෙනුවෙන් විශේෂ උත්සවයක් පසු ගියදා පැවැත්විණි. එම අවස්ථාවට රාජ්‍ය හා රාජ්‍ය නොවන ආයතන, පෞද්ගලික අංශයේ සමාගම්, අධ්‍යාපන ආයතන, එක්සත් ජාතීන්ගේ සංවිධානය, ජාත්‍යන්තර රාජ්‍ය නොවන සංවිධාන සහ ප්‍රජා මූලික සංවිධාන ඇතුළු ප්‍රධාන පෙළේ පාර්ශ්ව රැසක් සහභාගි වූහ.
“ජෝන් කීල්ස්_පදනම යනු ශ්‍රී ලංකාවේ මුල්ම ආයතනික සමාජ වගකීම් ආයතන අතරින් එකක්. එය ‘බලගන්වමු දේශය හෙට දිනට’ යන දැක්ම යටතේ, රටේ ජාතික මට්ටමේ ප්‍රමුඛතාවන්, තිරසර සංවර්ධන අරමුණු සහ එක්සත් ජාතීන්ගේ ගෝලීය සංයුක්තයේ මූලධර්මවලට සමගාමීව ඵලදායී හා තිරසර වැඩසටහන් රාශියක් ක්‍රියාවට නංවා තිබෙනවා. පසුගිය දශක කිහිපය තුළ මෙම සමාජ මෙහෙවර අපගේ පැවැත්මේ අනිවාර්ය අංගයක් බවට පත් වී තිබීම සතුටට කරුණක්….” ජෝන් කීල්ස් සමූහයේ සමූහාධිපති ක්‍රිෂාන් බාලේන්ද්‍ර මහතා පැවසීය.
