පසුගිය වසරවල දී ශා. ජෝශප් රග්බි කණ්ඩායම් දැක්වූ උසස් ක්‍රියාකාරීත්වය මත පදනම්ව මෙම වසරේ ද අප්‍රේල් 25 ඇරඹෙන සිය සූදානම වෙනස් නොවන බව ශාන්ත ජෝශප් රග්බි කණ්ඩායම පවසයි. මෙවර, ශා. ජෝශප් රග්බි කණ්ඩායමට සහාය ලබා දීමට ප්‍රධාන අනුග්‍රාහකයා ලෙස Acorn Group, ප්ලැටිනම් අනුග්‍රාහකයා ලෙස Allianz Insurance සහ බ්‍රොන්ස් අනුග්‍රාහකයා ලෙස, Prima Kottu Me – Prima Group Sri Lanka එක්ව තිබේ. එසේම ආගන්තුක සත්කාරකයා ලෙස Jetwing Hotels, සහ සමාජ ජාල අනුග්‍රාහකයා DigiMe Ads – රග්බි කණ්ඩායමේ සමාජ මාධ්‍ය ප්‍රචාරණය සඳහා මෙවරත් සහාය ලබා දෙයි.
මෙම අනුග්‍රාහකත්වයේ සහයෝගයෙන්, මරදාන ශාන්ත ජෝශප් රග්බි කණ්ඩායම 2025 පාසල් රග්බි පිටියේ නව බලපෑමක් ඇති කිරීමට සූදානම් ව සිටී. ශාන්ත ජෝශප් විදුහලේ රග්බි උපදේශන කමිටුව, මෙම අවස්ථාව සාර්ථක කර ගැනීමට සහාය වූ සියලු හිතවතුන්ට උණුසුම් ස්තුතිය පිරිනමයි.
