Home » ජල සම්පත සුර­කිමු

ජල සම්පත සුර­කිමු

by Mahesh Lakehouse
January 25, 2025 12:30 am 0 comment

ජලය යනු අපට ස්වභා­ව­ධ­ර්ම­යෙන් ලැබෙන වටිනා සම්ප­තකි. එය සුරැ­කීම ජලය නැති­නම් ජීව­යක් නැත. ලෝකයේ සිටිනා සෑම ජීව­යක්ම පව­තින්නේ ජලය මත නිසාය. ජලය අපට ලැබෙන මාර්ග රාශි­යක් ඇත. අපට ජලය ගංගා, ඇළ, දොළ, ළිං, පොකුණු, උල්පත්, වැස්ස ආදි­යෙන් ලැබෙයි. බීමට, නෑමට, පිසී­මට, රෙදි සේදී­මට, වගා කට­යු­තු­ව­ලට, ජල විදු­ලිය නිප­ද­වී­මට, ජල ක්‍රීඩා­ව­ලට, විනෝ­දා­ස්වා­ද­යට, ගෘහස්ථ කට­යු­තු­ව­ලට, ආදී බොහෝ දේට ජලය පාවිච්චි වේ.
මිනි­සුන්ගේ දියු­ණු­වත් සමඟ මෙත­රම් කාල­යක් මිනි­සුන් සමඟ අඹ මිතු­රෙක් ලෙස සිටින ජලය අද වන ­විට දූෂ­ණය වී තිබේ. සීමිත සම්ප­තක් වන ජලය මිනි­සාගේ නොදැ­නු­ව­ත්කම හා අදූ­ර­දර්ශී ක්‍රියා හේතු­වෙන් දූෂ­ණය වෙමින් පවතී. කෘෂි රසා­යන ද්‍රව්‍ය ජලා­ශ­ලට එකතු වීම, ජලා­ශ­වල විවිධ ද්‍රව්‍ය සේදීම හා දැමීම, නාග­රික කැළික­සළ හා අප­විත්‍ර ජලය ගංගා, ඇළදොළ­ව­ලට බැහැර කිරීම, කර්මා­න්ත­ ශා­ලා­ව­ලින් බැහැර කරන රසා­යන ද්‍රව්‍ය, අප­විත්‍ර ජලය ජලා­ශ­ව­ලට මුදා­හැ­රීම, පොලි­තින්, ප්ලාස්ටික් වැනි දේ ජලා­ශ­ව­ලට එකතු කිරීම, ගෘහස්ථ කැළිකසල ජල­යට මුදා හැරීම වැනි අය­හ­පත් ක්‍රියා නිසා ජලය දූෂ­ණය වේ. මතු­පිට ජලය දූෂ­ණය වීම නිසා භූගත ජලය දූෂ­ණය වීමට ද හේතුවේ. භුගත ජලය, පානීය ජලය ලෙස බහු­ලව භාවිත වන බැවින් මෙම අහි­ත­කර ද්‍රව්‍ය ජලය හරහා ශරී­ර­ගත වේ. මේවා වකු­ගඩු රෝග, පිළිකා ආදී දරුණු රෝග රැස­කට හේතුවේ. ජල දූෂ­ණය අවම කිරී­මට කඩි­නම් පිළි­යම් නොග­ත­හොත් පරි­භෝ­ජ­න­යට ගත හැකි ජල ප්‍රමා­ණය තවත් අඩු­වනු ඇත.

කේ.එම්. ගීතාවි සෞභාග්‍යා
6 ශ්‍රේණිය, සී. ඩබ්ලිව්. ඩබ්ලිව්. කන්න­න්ගර මධ්‍ය විද්‍යා­ලය,
මතු­ගම


සිප් මවුනි

මහා පෙරු­මක් වීය මහ­තුන්
තන­න්නට හෙට ලෝකයේ
දිසි දිගත දිය ලෙසින් දින­කර
සැම සෙවූ ඒ හෙට දිනේ

ගතින් වෙර ඇති සිතින් බල ඇති
දනන් හෙට ලොව ඇක­යෙහි
තබා යන්නට බලා හිඳුනා
ඔබේ ගුණ­යයි කියැ­වු‍ෙණ්

පිපෙ­න්නට මල් දහස් ගණ­නක්
හෙලා දිය­වර කඳු­ලෙනි
සදා සව­නත ඔබේ ජය ගොස
වැකෙයි මහ හඬ නඟ­මිනේ

අරෝෂ සුම­න­දාස
12-බී 4,
නාලන්දා විද්‍යා­ලය, කොළඹ.


පාට පාට මල්…

හිරු නැඟෙ­මින් එන්නේ
ලොවට එළිය ගෙන දෙන්නේ
කුරුලු පැටවු නද දෙන්නේ
උදයේ අසි­රිය ගෙන දෙන්නේ

පාට පාට මල් පිබිදේ
ගස්වැ­ල්වල ඵල බරවේ
පුංචි ලේනු සතුටු වෙන්නේ
උදය අසි­රි­මත් වන්නේ

සීත සුළං හම­නවා
මල් දේවියෝ හිනෙ­හෙ­නවා
පුංචි ළමෝ නටා ගයා
උද­යට අසි­රිය ගෙන දෙනවා

එම්.එෆ්. හයා
8 ශ්‍රේණිය බී,
දේව­පාල විදු­හල,
පොල්ගොල්ල, ගොක­රැල්ල.


උදෑ­සන අසි­රිය

නැඟෙ­න­හිර අහසේ එබී බලන හිරු කුමරා උදෑ­සන අසි­රිය අපට කියා­පානු ඇත. කීචි බීචි ගා අවදි වන කුරු­ලන්ගේ හඬින් උදෑ­සන චම­ත්කාර වේ. පිපී වැනෙන පුෂ්ප­යන් මුළු පරි­ස­ර­ය­ටම එක් කරන්නේ මහත් සුව­ඳකි. තණ අග වැටුණු පිනි බිඳු හිරු­කි­ර­ණින් දිලි­සෙන්නේ මුතු­කැට බිම වැටු­ණාක් මෙනි. සතර දෙසින් ගලා එන සිසිල් සුළං දහ­රාවෝ අපගේ ගත සිත ප්‍රබෝ­ධ­වත් කරති. මේ අසි­රි­මත් සිදු­වීම් පෙළ උදෑ­සන අසි­රිය දෙගුණ තෙගුණ කරයි.
සුදෝ සුදු ඇඳු­මින් සැර­සුණු ළම­යින් පාසල් කරා ඇදෙන දසුන උදෑ­සන සුන්දර කරයි. කුඹුරු කරා ඇදෙන ගොවියෝ උදෑ­සන අසි­රිය තවත් වඩ­වති. දවසේ සුන්ද­රම කාලය වන උදෑ­සන අසි­රිය මෙලෙස විඳ­ගැ­නී­මට පුළු­වන.

එන්.ඩබ්.ජී. විනුජ සස්රුත 6 ශ්‍රේණිය ඩී,
විද්‍යා­ලෝක විද්‍යා­ලය, ගාල්ල.


මා කැමතිම පුද­බිම

අපි පසු­ගිය දව­සක අනු­රා­ධ­පුරේ ගියෙමු. අම්මා එක්ක බස් එකේ ගිය ඒ ගමන හරි සුන්ද­රයි. උදේ පාන්දර කොළ­ඹට ඇවිල්ලා අපි අනු­රා­ධ­පු­ර­යට යන බස් රථ­ය­කට නැග්ගෙමු. අයි­යයි නංගියි මමයි විත­රයි අම්මත් එක්ක එදා ගමන ගියේ. තාත්තා එදත් වැඩ. අපි අනු­රා­ධ­පුරේ ගියේ දාන පින්ක­ම­කට සහ­භාගි වීම­ටය.

අනු­රා­ධ­පු­රය හරි ලස්සන නග­ර­යක්. අපි අම්මා එක්ක­ගෙන උඩ­ම­ළුව වඳි­න්තත් ගියෙමු. රෑට හඳ පායලා හරිම ලස්ස­නයි. උඩ­ම­ළුවේ ජය­සිරි මහ බෝධීන් වහන්සේ වැන්දාට පසු අපි රුව­න්මැලි මහ සෑයත් වැන්දෙමු. සීතල සුළං හමන ඒ සැන්දෑව හරි ලස්න­යි කියා මට සිතුණි. ආයෙම දව­සක අනු­රා­ධ­පුරේ යන්න මට හරි ආසයි.

සෙතුලි තෙහස්නා
3 ශ්‍රේණිය, ලුම්බිණි මහා විද්‍යා­ලය,
වැල්ල­වත්ත.


වැස්ස වහි­නවා

හෝ හෝ ගා වැස්ස වහියි
ගස්වල අතු කොළ ඇඹ­රෙයි
කුරුලු රංචු සැඟව ගනියි
අඳුරු වලා අහසෙ පිරෙයි…

මහ වැස්සේ සීත දැනෙයි
සුළං පාර හරිම තදයි
කඩ­දහි ඔරු දෙකක් හදන්
මට එළි­යට යන්න හිතෙයි…

තරුලි අමල්කි
5 ශ්‍රේණිය බී,
සෝම­වීර චන්ද්‍ර­සිරි විද්‍යා­ලය,
පිළි­ය­න්දල.

You may also like

Leave a Comment

lakehouse-logo

ප්‍රථම සතිඅන්ත සිංහල අන්තර්ජාල පුවත්පත ලෙස සිළුමිණ ඉතිහාසයට එක්වේ.

[email protected]

අප අමතන්න:(+94) 112 429 429

Web Advertising :
Chamila Bandara – 0717829018
 
Classifieds & Matrimonial
Chamara  +94 77 727 0067

Facebook Page

@2025 All Right Reserved. Designed and Developed by Lakehouse IT Division