රුසියානු සංචාරකයන් ප්රවාහනය කරමින් තිබුණු සුඛෝපභෝගී බසයක් දක්ෂිණ අධිවේගී මාර්ගයේ 138 වැනි කිලෝමීටර කණුව අසලදී සිකුරාදා (17) අලුයම සිමෙන්ති ප්රවාහනය කරමින් තිබුණ ලොරියක ගැටීමෙන් බසයේ රියැදුරු ජීවිතක්ෂයට පත්ව, සංචාරකයන් 19 දෙනකු තුවාල ලබා ඇත.
අනතුර සිදු වන අවස්ථාවේ රුසියානු සංචාරකයන් 30 දෙනකු බසයේ ගමන් කරමින් සිටි බවත්, බසය සහ සිමෙන්ති ලොරිය තංගල්ල දෙසට ධාවනය වෙමින් තිබුණු බවත් පොලීසිය කියයි. දක්ෂිණ අධිවේගී මාර්ගයේ අපරැක්ක සහ බෙලිඅත්ත අතරදී මේ අනතුර සිදු වී ඇත. තුවාල ලැබූ සංචාරකයන් රෝහල්ගත කරනු ලැබූ අතර, මේ අනතුර පිළිබඳ රුසියානු තානාපති කාර්යාලයද පොලීසිය විසින් දැනුවත් කර තිබේ.
දීපාල් සමරසේකර