ගුප්ත ශාස්ත්‍රයේ එන විශේෂිත ක්‍රමවේදයකි වශිය. වශි අතර ප්‍රධාන තැනකට එන අති විශිෂ්ට ක්‍රමයකි. ‘සර්වජන ආකර්ෂණ ක්‍රමවේදය’ මෙම ක්‍රමවේදයන් අපේ මුතුන් මිත්තන් පුරුද්දක් ලෙස භාවිතයට ගෙන ඇති බව පෙනී යන කරුණකි. අද ඔබට මම ඉදිරිපත් කරනු ලබන්නේ ඉතා දුර්ලභ අති ප්‍රබල ප්‍රතිඵල ගෙන දෙන ‘සර්වජන ආකර්ෂණ, ක්‍රමයකි.
මෙය ඔබට භාවිතයට ගැනීමට හැකි නම් ඇත්තෙන්ම ඔබ රජුන් අතර රජකු මෙන් ජීවත් වීමටත් රජ නොවු නා නම් රජකු මෙන් ජීවත් වීමට අවශ්‍ය බලය, ධනය, පරිවාර සම්පත් ආදි මිනිසකුගේ ජයග්‍රහණය සඳහා වු අවශ්‍ය වටපිටාව ඉබේම මෙන්ම නිරායාසයෙන් සැකසෙන බව නම් සත්‍යයකි. අති ප්‍රබල මෙම ක්‍රමවේදය ඔබගේ ජීවන අවශ්‍යතා සපුරා ගැනීම සඳහා නිවැරැදිව භාවිතයට ගැනීම සඳහා ඉදිරිපත් කරමි.
මාතාංගේශ්වරී තිලකය
ඇඹුල ඉපිල පොන්නරු එළඔලිඳ ඇටා
කොට්ටන් ලාකඩද අන්දර පිළිල පටා
මේ සැම ඇඹරුමෙන් නළලේ තිලක ජටා
මුණ බැලු දඩු කඳවත් එකි ළඟටා
මෙම කවියෙහි තේරුම
ඕලු අල, මානෙල් අල, සුදු නෙළුම් අල, එළ ඔලිඳ ඇට, සුවඳ කොට්ටන් ලාකඩ අන්දර පිළිල පොතු ඇසුරෙන් සකස් කරන වශිය ඔබට ආකර්ෂණය ගෙන දෙන හැටි
ක්‍රමවේදය
ඉහත ඖෂධ ඇල්දියෙන් අඹරා පහත සඳහන් මන්ත්‍රයෙන් 1008 වරක් ජප කරන්න.
ඕං වෙං ශ්‍රිං ශ්‍රිං කිලිං සෞං නමෝ භාගවති ශ්‍රී
මාතාංගේශ්වරී සර්ව මනෝහාරි සර්ව මුඛ රාජිනී ක්ලිං ශ්‍රීං ශ්‍රීං සර්ව රාජ වසංකාරි සර්වදුෂ්ට මෘත වසංකාරි සර්ව සත්ව වසංකාරි සර්වලෝක වසංකාරි සර්ව ධන ධාන්‍ය වසංකාරි සර්ව යක්ෂ භූථ ප්‍රේත පිසාච ඩාකිත වශංකාරි අමුකං මේ වසමානාය මහාරාජම් මේ වසමානාය සෞං ශ්‍රීං ශ්‍රීං කිලිං ඓං ශ්‍රීං ශ්‍රීං ඕං ස්වාහඃ
උතුර බලා පුර පෝ දිනක අංග සම්පූර්ණ මල් යහනක් තනා පලතුරු පොල් බුලත් පුවක් කිරිබත් සුවඳ මල් සුවඳ වර්ග තබා ඊශ්වර ලීලාවෙන් ජපකර ගන්න. දහස්වර ඉක්මවිය යුතුය. සතා, සිව්පාවා, යක්ෂ භූත, ගහ කොළ සහ සර්ව ජනයා තමාට ආකර්ෂණය වනු ඇත.
හොරොව්පතාන, මොරකෑව
පුරාණ ගණදෙවි දෙවොලේ භාරකාර
ජ්‍යොතිෂ විද්‍යා විශාරද
කේ. එස්. එස්. යෝදින්ගේ
