බස් රථ ප්‍රමිතිය අකුරටම සොයයි

මගී ප්‍රවාහන බස් රථ වෙනුවෙන් ලබා දී ඇති ප්‍රමිතිය නිසි පරිදි යාවත්කාලීන කර ඒ සම්බන්ධ නීතිය දැඩි කිරීමට ප්‍රවාහන හා මහාමාර්ග අමාත්‍යාංශය කටයුතු කර තිබේ.

විශේෂයෙන්ම පසුගිය දිනවල අනතුරට පත්වූ පෞද්ගලික බස් රථ කිහිපයක්ම නිසි ප්‍රමිතියෙන් යුක්ත නොවූ බව අනාවරණය වීමත් සමඟ මේ කාර්යය කඩිනම් කිරීමට අමාත්‍යාංශය පියවර ගෙන ඇත.

එහිදී විශේෂයෙන්ම බස් රථ රියැදුරන්ට රිය ධාවනයේදී ඉදිරිපස මනාව පෙනෙන ලෙස බස් රථය සැකසී තිබිය යුතු බවත් ඊට අමතරව අධික ශබ්දය පාලනය කිරීම මෙන්ම ආසන පහසුකම් වැඩි දියුණු කිරීම ගැනද අවධානය යොමු ඇත.