කොටස් වෙළෙඳපොළ වාර්තාගත ලෙස ඉහළට

කොළඹ කොටස් වෙළෙඳපොළ ඉතිහාසයේ වැඩිම අගය වාර්තා කරමින් පසුගිය 12 වැනිදා සියලුම කොටස් මිල දර්ශකය ප්‍රථම වරට ඒකක 14,000 ඉක්මවා (14,001.73) ගියේය.

ඒ අනුව එදින සමස්ත පිරිවැටුම රුපියල් බිලියන 7.35 ක් ලෙස දැක්විණි. කොළඹ කොටස් වෙළෙඳපොළ පසුගිය මාස කිහිපය තුළදී කැපී පෙනෙන වෙනසකට ලක් වූ අතර දෙසැම්බර් මාසය තුළදී පමණක් දර්ශකය ඒකක 6.4කින් ඉහළ ගියේය. මේ වසර තුළ වර්ධනය 31.74ක් ලෙස දැක්වුණි.

මේ වන විට කොළඹ කොටස් වෙ‍ෙළඳපොළ කලාපයේ කැපී පෙනෙන කොටස් වෙළඳපොළක් බවට පත්වී ඇත.