සිංගප්පූරුව හා කොළඹ අතර සෘජු ගුවන් ගමන් ආරම්භ කළ Jetstar Asia (3K) එම ගුවන් මාර්ගයේ එකම අඩු වියදම් ගුවන් සේවාව බවට පත්වීමට පසුගියදා සමත් විය. ඒ අනුව සිංගප්පූරුවේ හැංගි ගුවන් තොටුපළෙන් ගුවන් ගමන් ආරම්භ කළ 3K333 ගුවන් යානය කොළඹ බලා පියාසර කළේය. ඒ සමඟ ශ්‍රී ලංකාවේ සුන්දරත්වය සියැසින් දැක බලා ගැනීම සඳහා අඩුම මුදලකට සුව පහසු ගුවන් සේවාවක් ලබා දීමට Jetstar Asia කටයුතු කරනු ඇත.
Jetstar Asia සතු A320 ගුවන් යානා සමූහය සමඟින් සිංගප්පූරුවේ සිට කොළඹ දක්වා සෑම සතියකම ගුවන් ගමන් සේවා 5ක් ක්‍රියාත්මක කිරීමට කටයුතු කර ඇත. මේ සම්බන්ධයෙන් Jetstar Asia ප්‍රධාන විධායක නිලධාරි John Simeone සඳහන් කළේ, “සුවිශේෂී සංචාරක ගමනාන්තයක් සොයමින් සිටින අපගේ පාරිභෝගිකයින් හට දර්ශනීය වෙරළ තීරයන්ගෙන්, සුන්දර දර්ශනයන්ගෙන්. පොහොසත් සංස්කෘතියකින් මෙන්ම ආගන්තුක සත්කාරයෙන් පිරිපුන් ශ්‍රී ලංකාව සුදුසුම ස්ථානය බවට පත්වනු ඇත…”
