ශ්‍රී ලංකාවේ ප්‍රමුඛතම ජීවිත රක්ෂණ සමාගමක් වන යූනියන් ඇෂුවරන්ස්, වසරේ දෙවැනි කාර්තුව සඳහා සිය Premier Club සම්මාන උලෙළ මීගමුව ඇවෙන්රා උද්‍යාන හෝටලයේදී පැවැත්විය. උපදේශකයින්ගේ විශිෂ්ට ජයග්‍රහණ අගයමින් සම්මාන පිරිනමන අතරම සේවාලාභීන් වෙත සුවිශේෂ සේවාවක් සැපයීම සඳහා ඔවුන් දිරිගැන්වීමද මෙහිදී සිදුකෙරිණි.
මෙම කාර්තුවේදී, ඉහළම සේවා ප්‍රමිතීන් පවත්වා ගන්නා විශිෂ්ට වෘත්තික කණ්ඩායමක් ගොඩනැඟීම සඳහා සමාගම විසින් දරනු ලබන කැපවීම යළි තහවුරු කරමින්, යූනියන් ඇෂුවරන්ස් Premier Club වෙත නව සාමාජිකයින් 125කට අධික පිරිසක් අනුයුක්ත කරනු ලැබිණි. සේවාලාභීන්ට සපයනු ලබන සේවාවේ ගුණාත්මකභාවය ඉහළ නැංවීම අරමුණු කරගත් මුදල් ත්‍යාග, සුඛෝපභෝගී වාහන, සහ විශේෂිත පුහුණු වැඩසටහන් වැනි සුවිශේෂ ප්‍රසාද ඇගැයුම් පිරිනමන ප්‍රමුඛ පෙළේ ඇගැයුම් මණ්ඩලයක් ලෙස යූනියන් ඇෂුවරන්ස් Premier Club ක්‍රියාත්මක වෙයි.
