909
IMF සමඟ ඇතිකරගත් එකඟතාවයන් මත වැඩ කිරීම පිළිබඳ සහතිකයක් මේ ණය වාරිකය හරහා හිමිවූ බව ශ්‍රී ජයවර්ධනපුර විශ්වවිද්‍යාලයේ ආර්ථීක විද්‍යා අධ්‍යයනාංශයේ මහාචාර්ය ශිරන්ත හීන්කෙන්ද පවසයි.
මේ මඟින් ණය ප්‍රතිව්‍යුහගතකරණය සම්බන්ධයෙන් විශාල ශක්තියක් ලැබෙන බවත්, තුන්වැනි ණය වාරිකය අනුමත කිරීම හරහා පවතින ආර්ථික ගැටලු බොහොමයකට පිළිතුරු ලැබෙන බවත්; මේ සාකච්ඡාව සාර්ථක වීම තුළ අනෙකුත් ජාත්‍යන්තර සංවිධාන සමඟ කරන ගනුදෙනු යථාවත් වී ඇති බවත් ඔහු වැඩිදුරටත් පැවැසීය. අපි රටක් ලෙස IMF සමඟ ගොඩනඟා ගත් විශ්වසනීයත්වය IMF සමඟ පමණක් නොව අනෙකුත් රටවලට, ණය දෙන ආයතන, බැංකුවලට යන සුබවාදී පණිවුඩයක් ලෙස සැලකිය හැකි බවද මහාචාර්යවරයා අවධාරණය කරයි.
