ශ්‍රී ලංකාවේ කාර්යාල ස්වයංක්‍රීයක (Office Automation) විසඳුම් සපයන්නා වන ඔෆිස් නෙට්වර්ක් (ප්‍රයිවට්) ලිමිටඩ් (ONL) ආයතනය විසින් කොළඹ මුවන්පික් හෝටලයේ පැවති ඇගයුම් උපහාර උලෙළකදී 2023/24 මූල්‍ය වර්ෂය සඳහා ව්‍යාපාර ඉලක්ක සපිරූ විශිෂ්ට සේවා නියෝජිතයින් වෙත ඇගයුම් සම්මාන පිරිනැමිණි. ඔෆිස් නෙට්වර්ක් (ප්‍රයිවට්) ලිමිටඩ සභාපතිතුමා සහ අධ්‍යක්ෂ මණ්ඩලය සහභාගි වූ මෙම අවස්ථාවේදී ජපන් සන්නාමයක් වන Brother වෙතින් ඉදිරිපත් කරන ලද නවතම මාදිලි හඳුන්වා දීමද සිදු කෙරිණි.
Brother නිෂ්පාදන සඳහා ශ්‍රි ලංකාවේ බලයලත් නිල බෙදාහරින්නා ලෙස සිය විශ්වාසදායී සහ වැඩිදියුණු වන නිෂ්පාදන රැසක් ඔස්සේ වඩාත් පුළුල් වෙළෙඳ පොළ වපසරියක් හිමිකර ගනිමින් ONL සවිමත්ව වර්ධනය වී ඇත. සිය ව්‍යාපාර සහකරුවන්ගේ සුවිසල් දායකත්වය සහ අගය සමඟින්, ONL විසින් ජකාර්තා, ඉන්දුනීසියා වෙත පූර්ණ වියදම් සහිත චාරිකාවක් සහ කාර්ය සාධනය සඳහා ඇගයීම් ප්‍රණාම හිමිකර ගන්නා විශිෂ්ටයින් සඳහාම සුවිශේෂ වශයෙන් Brother Elite Business Club ද දියත් කර ඇත.
ජායාරූප – සුලෝචන ගමගේ
