ශ්‍රී ලාංකේය ව්‍යාපාරවල සයිබර් ආරක්ෂාවට ‘Kaspersky Next’

ශ්‍රී ලංකාවේ ව්‍යාපාරයන්හි සුරක්ෂිතතාව වෙනුවෙන් සිය ප්‍රමුඛතම නව නිෂ්පාදන පෙළ වන ‘Kaspersky Next හඳුන්වා දීමට Kaspersky පසුගියදා කටයුතු කළේය. XDR (Extended Detection and Response) හි සුපැහැදිලි බව හා අතිප්‍රබල මෙවලම් සමඟින් EDR (Endpoint Detection and Response) හි වේගය හා විනිවිදභාවය එක් කළ ශක්තිමත් ආරක්ෂාවක් ව්‍යාපාර දත්ත වෙත සැපයීමට ඒ තුළින් හැකියාව උදා වේ.

මේ සම්බන්ධයෙන් අදහස් දැක්වූ Kaspersky හි අග්නිදිග ආසියාවේ සාමාන්‍යාධිකාරී Yeo Siang Tiong මහතා ” සයිබර් ආරක්ෂණ විසඳුම් සලසන්නකු ලෙස අප විසින් මේ හඳුන්වා දුන් අතිනවීන XDR විසඳුම වන Kaspersky Next තුළින් ශ්‍රී ලංකාවේ ඕනෑම පරිමාණයක ව්‍යාපාර හා සංවිධානයන් සඳහා සංකීර්ණ EDR සහ XDR විසඳුම් වඩාත් පහසුවෙන් ලබා දීමට අපට හැකියාව උදා වනවා.” යනුවෙන් පැවසීය.