ලංකා බැංකුවේ ඌව පරණගම ශාඛාව නව නිවහනකට

බැංකුකරණයේ නව යුගයකට දොරටු විවර කරමින්, වඩාත් පහසු, නම්‍යශීලී හා කාර්යක්ෂම බැංකු සේවාවක් සැපයීමේ අරමුණින් නවීන ඩිජිටල් තාක්ෂණය හා මුසු වූ ලංකා බැංකුවේ ඌව පරණගම ශාඛාව නව ගොඩනැඟිල්ලක ප්‍රතිස්ථාපනය කිරීම පසුගිය දා සිදු කෙරිණි.

මේ වෙනුවෙන් පැවැත්වූ උත්සවයට ලංකා බැංකුවේ නියෝජ්‍ය මහා කළමනාකරු (ශාඛා මෙහෙයුම්) ප්‍රියල් සිල්වා, ඌව පරණගම ප්‍රාදේශීය ලේකම් එන්. ජී. එම්. එස්. කුමාර, ලංකා බැලකුවේ නියෝජ්‍ය මහා කළමනාකාරිණී (උපකාරක ‍ෙස්වා) පුෂ්පා විජේසිංහ, සහකාර මහා කළමනාකරු (ඌව පළාත) අයි. කේ. නවරත්න, ඌව පරණගම ප්‍රාදේශීය කළමනාකරු කේ. චන්ද්‍රමෝහන් සහ ඌව පරණගම ශාඛා කළමනාකරු චතුරංග පරණවිතාන ඇතුළු ලංකා බැංකු කළමනාකාරීත්වය සහ ගනුදෙනුකරුවෝ රැසක් සහභාගි වූහ.