1.5K
ශ්‍රී ලංකාව ඇතුළු ආසියානු සාගර කලාපයේ ආරක්ෂාව වෙනුවෙන් කටයුතු කිරීම උදෙසා ගුවන් යානයක් පරිත්‍යාග කිරීමට ඔස්ට්‍රේලියාව තීන්දු කොට ඇත.
එරට විදේශ කටයුතු සහ වෙළෙඳ දෙපාර්තමේන්තුවේ (දකුණු සහ අග්නිදිග ආසියානු කලාපයේ පයේ නියෝජ්‍ය ලේකම් මිචෙල් චැං (Michelle Chan) මහත්මිය මෙම එකඟතාවය පළ කර තිබේ.
ශ්‍රී ලංකාවේ සංචාරයකට පැමිණි මිචෙල් චැං මහත්මිය ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතා හමුවූ අවස්ථාවේ මෙම පොරොන්දුව ලබා දී ඇත. නීති විරෝධී සංක්‍රමණ වැළැක්වීම ඇතුළු ශ්‍රී ලංකාවේ සාගර ආරක්ෂණ කටයුතු වෙනුවෙන් තබන පළමු පියවර ලෙස මෙම ගුවන්යානය ලබා දෙන බව මිචෙල් චැං මහත්මිය වැඩිදුරටත් සඳහන් කර තිබේ.
