බුද්ධශාසන, සංස්කෘතික සහ ආගමික කටයුතු අමාත්‍යාංශයේ මෙහෙයවීමෙන් සංස්කෘතික කටයුතු දෙපාර්තමේන්තුව, ශ්‍රි ලංකා කලා මණ්ඩලයේ රාජ්‍ය නාට්‍ය උපදේශක සභාව එක්ව සංවිධානය කරන රාජ්‍ය දිගු නාට්‍ය උලෙළ හා රාජ්‍ය කෙටි නාට්‍ය උලෙළ – 2023 සඳහා සිංහල, දෙමළ යන භාෂාද්වයෙන් අයැදුම්පත් කැඳවනු ලැබේ.
සංස්කෘතික කටයුතු දෙපාර්තමේන්තුව විසින් නිකුත් කරන ලද අයදුම්පත නිසිපරිදි සම්පූර්ණ කර පහත සඳහන් ලිපිනයට ලියාපදිංචි තැපෑලෙන් හෝ ගෙනවිත් භාරදිය යුතුය. ලියුම් කවරයේ වම්පස ඉහළ කෙළවර රාජ්‍ය නාට්‍ය උලෙළ – 2023 යනුවෙන් සඳහන් කර 2024.04.10 දින ප.ව 4.00ට පෙර සංස්කෘතික කටයුතු දෙපාර්තමේන්තුවේ රාජ්‍ය නාට්‍ය අනුමණ්ඩලය වෙත භාරදීමට කටයුතු කළ යුතු වේ.
අදාළ අයදුම්පත රාජ්‍ය නාට්‍ය අනුමණ්ඩලය, 8වන මහල, සෙත්සිරිපාය, බත්තරමුල්ල යන ලිපිනයෙන් ලබා ගත හැකිය. මිට අමතරව දිවයින පුරා ඇති දිස්ත්‍රික් ලේකම් කාර්යාලයන්හි සංස්කෘතික කටයුතු දෙපාර්තමේන්තුවේ Department of Cultural Affairs මුහුණු පොතෙන් හා culturaldept.gov.lk යන අන්තර්ජාල වෙබ් අඩවියට පිවිසීමෙන් ලබාගත හැකිය.
