දේශගුණික පාඩු හා හානි අරමුදල

වසරේ ඩුබායි හි පැවැත්වෙන COP28 දේශගුණ සමුළුවට පෙර පාඩු හා හානි අරමුදල් යාන්ත්‍රණයක් පිළිබඳ අවසන් සාකච්ඡාව අබුඩාබියේදී ආරම්භ විය. එම ආයතනය ඉකුත් ඔක්තෝබර් 28 වන දින මියගිය ප්‍රවීණ දේශගුණ විද්‍යාඥ සලීම්මුල් හක්ගේ නමින් නම් කිරීමට උද්ඝෝෂකයෝ බල කරති.

බංග්ලාදේශයේ ඩකා මූලස්ථානය කරගත් දේශගුණික විපර්යාස සහ සංවර්ධනය සඳහා වූ ජාත්‍යන්තර මධ්‍යස්ථානයේ (ICCAD) අධ්‍යක්ෂවරයා වූ බංග්ලාදේශ ජාතික හක්, අලාභය සහ හානිය පිළිබඳ “අපගේ අවබෝධය ඉදිරියට ගෙන යාම සඳහා වෙහෙස නොබලා ගත් උත්සාහය” ඇගයීමට ලක් කළ යුතු බැව් ඔවුහු පෙන්වා දෙති. ලොව පුරා අවදානමට ලක් විය හැකි රටවල් සහ ප්‍රජාවන් කෙරෙහි ගැඹුරු බලපෑමක් කිරීමට හක් ප්‍රශංසනීය මෙහෙවරක් ඉටු කළේ ය. පසුගිය වසරේ ඊජිප්තුවේ පැවති COP27 සමුළුවේ දී ඒ සඳහා අරමුදලක් පිහිටුවා ගැනීමට ගත් තීරණය එම උත්සාහයේ ප්‍රතිඵලයකි.