ජනතාවගේ ආර්ථික අපහසුතා උපයෝගී කර ගනිමින් ජනතාව විදුලි බිලට, තෙල් මිලට, ගෑස් මිලට එරෙහිව මහපාරට ගෙන ඒමට දැරූ උත්සාහයන් ව්‍යර්ථ වීමෙන් පසුව එම බලවේග විසින් නැවතත් රට අරාජික කිරීමට ක්‍රිකට් අර්බුදය හරහා උත්සාහ ගන්නා බව දේශප්‍රේමී එක්සත් ජාතික පක්ෂයේ ප්‍රධාන ලේකම් සුගත් හේවාපතිරණ පවසයි.
ගෝඨාභය රාජපක්ෂ ජනාධිපතිවරයාගේ පාලන සමයේදී රට අරාජික කිරීම සඳහා ක්‍රියාත්මක වූ පරිදිම විධායකය – ව්‍යවස්ථාදායකය හා අධිකරණය අතර ගැටුමක් නිර්මාණය රජය බිඳ දැමීමේ කුමන්ත්‍රණයක් ද නැවත කරළියට පැමිණ ඇති බව ඔහු පෙන්වා දෙයි. රටේ ආර්ථිකයට අස්වැසිල්ලක් වන සංචාරක කර්මාන්තයේ විශේෂිතම සමය තවත් සති කිහිපයකින් ඇරැඹීමට නියමිත අතර ක්‍රිකට් අර්බුදය හරහා පාරවල් වසන විට ජනතා උද්ඝෝෂණ ලෝකය පුරා ප්‍රචාරය වන විට ඇතැම් රටවල් ලංකාව පිළිබඳව අවවාදාත්මක නිවේදන නිකුත්
කිරීමට පටන්ගෙන ඇතැයි ද ඔහු සඳහන් කරයි.
