2024 අප්රේල් 23 සහ ජූනි 1 දා අතර සුවිශේෂි සිදුවීම්වලට මුහුණ දීමට සිදු වේවි
2024 අප්රේල් 25ත් ජූනි 1ත් අතර රැකියාවේ වෙනසක්
2025 මාර්තු 29 දා පටන්ගන්නා මේ වෙනස 2027 ජුනි 9 දා දක්වා පවතී
මෙවර කතාබහ කරන්නට බලාපොරොත්තු වන්නේ සිංහ ලග්න හිමියන් පිළිබඳවය. සාමාන්යයෙන් සිංහ ලග්න හිමියන් සැම විටම පාහේ ප්රධානත්වය අපේක්ෂා කරන බව පෙනේ. එමෙන්ම එලෙස ප්රධානත්වය නොලැබුණ විට ඔවුන් බොහෝ සේ අධෛර්යයට පත්වන බව පෙනේ. මනා පෞරුෂත්වයකින් හෙබි සිංහ ලග්න හිමියන් දියුණු වීම කෙරෙහි තදබල ලෙස උනන්දු නොවන බව පෙනේ. එමෙන්ම සිංහ ලග්න හිමියන්ට තම ජීවිත කාලය තුළ එක්වරක් හෝ රැකියාවේ සෙලවීමක් පෙන්නුම් කෙරේ. එය පවතින රැකියාවක අහිමි වීමක් හෝ නිසි කලට උසස් වීමක් නොලැබීමක් හෝ විශිෂ්ට රැකියාවකින් ඉවත් වීම නිසා ඇතිවන අතෘප්තිකර තත්ත්වයක් හෝ වෙනත් රැකියාව ආශ්රිත අතෘප්තිකර තත්ත්වයක් විය හැකිය.
විශේෂයෙන් සමස්ත ග්රහ ගෝචරවලට අනුව 2025 වසරෙහි මාර්තු 29 වනදායින් පමණ පසු සිංහ ලග්න හිමියන්ගේ ජීවිතවල විවිධ විපර්යාස සිදුවිය හැකි බව පෙනේ. 2025 මාර්තු 29 වනදායින් ආරම්භ වන මෙම විශේෂිත කාල සීමාව, 2027 වසරෙහි ජුනි 9 වනදා දක්වාම පවතින අතර 2027 වසරෙහි ඔක්තෝබර් 5 වනදාත් 2028 වසරෙහි පෙබරවාරි 28 වනදාත් අතර කාලය තුළ නැවත වතාවක් එම ප්රතිඵලම ඇති වීමට ඉඩ ඇත. ඉහත කාල සීමාව තුළ සිංහ ලග්න හිමියන්ගේ රැකියාවේ වෙනසකට හෝ රැකියාවේ උසස්වීමකට ඉඩ ඇත. තවද ඉහත කාල සීමාව තුළ සිංහ ලග්න හිමියන්ගේ පොත්පත් මුද්රණය කිරීම, විදෙස්ගත වීම, ඉඩකඩම් මිලදී ගැනීම, යානවාහන මිලදී ගැනීම, නිවාස ගනුදෙනු වැනි දේවල් ඉටුකර ගැනීමට භාග්යය උදා වනු ඇත.
මීට අමතර ලෙස ඉහත කාල වකවානුව තුළ සිංහ ලග්න හිමියන්ගේ ආධ්යාත්මික අරමුණු ඉටුකර ගැනීමට ද භාග්යය උදා වනු ඇත. ඒ වෙනුවෙන් විවිධාකාර විශේෂිත පුද්ගලයන් හමුවීමට ද ඉහත කාල සීමාව තුළ ඉඩකඩ ඇත. විශේෂයෙන් ඉහත දැක්වූ දීර්ඝ කාල වකවානුව තුළ පවතින, වඩාත් සැලකිලිමත් විය යුතු දින ලෙස 2025 වසරෙහි මාර්තු 29, 2025 වසරෙහි ජූලි 13, 2025 වසරෙහි නොවැම්බර් 28, 2026 වසරෙහි ජූලි 27, 2026 වසරෙහි දෙසැම්බර් 11, 2027 වසරෙහි ජුනි 03, 2027 වසරෙහි ඔක්තෝබර් 21, 2027 වසරෙහි දෙසැම්බර් 24, 2028 වසරෙහි පෙබරවාරි 28 සහ ඒ අවට දින හැඳින්විය හැකිය.
මීට අමතර ලෙස සිංහ ලග්න හිමියන්ට 2036 වසරෙහි අගෝස්තු 27 වනදාත්, 2038 වසරෙහි ඔක්තෝබර් 28 වනදාත් අතර කාලය තුළ ද 2039 වසරෙහි මාර්තු 31 වනදාත් 2039 වසරෙහි ජූලි 14 වනදාත් අතර කාල සීමාව තුළ ද ජීවිතයේ කිසිදා නොලද අත්දැකීම් ලැබෙන බව පෙනේ. එනම් එම කාල සීමාව තුළ සිංහ ලග්න හිමියන්ට විශාල අභියෝග සහ විශාල බාධක රැසකට මුහුණ දීමට සිදු වෙයි. කෙසේ වෙතත් ඉහත කාලසීමාව තුළ අභියෝග මධ්යයේ ලබන විශාල ජයග්රහණවලට ද ඉඩකඩ ඇත. නමුත් එම ජයග්රහණ ලැබෙන්නේ සුළු හෝ අඩුපාඩුවක් සහිතව විය හැකිය.
සිංහ ලග්න හිමියන්ට මෑත කාලීනව විශේෂිත සිදුවීම් සිදුවන විශේෂිත කාල වකවානුවක් ලෙස 2024 වසරෙහි අප්රේල් 23 වනදාත් 2024 වසරෙහි ජුනි 1 වනදාත් අතර කාල වකවානුව දැක්විය හැකිය. එම කාල වකවානු තුළ සිංහ ලග්න හිමියන්ට පීඩාකාරී තත්ත්ව ඇති වීමට ඉඩ ඇති අතර ඒ නිසාම මානසික ආතති තත්ත්ව පිළිබඳව ද සැලකිලිමත් වීමට සිදු වනු ඇත. කෙසේ වෙතත් සිංහ ලග්න හිමියන්ට, 2024 වසරෙහි අප්රේල් 25 වනදාත්, 2024 වසරෙහි ජුනි 1 වනදාත් අතර කාල සීමාව තුළ රැකියා ස්ථානය තුළ ස්ථාන මාරු වීම් සාර්ථක කරගැනීමට භාග්යය ලැබිය හැකි අතර රැකියාවේ රාජකාරි ලැයිස්තු වෙනස් වීමට ද ඉඩ ඇත.
ප්රවීණ ජ්යොතිර්වේදී පාරින්ද්ර සුගතදාස