ඒෂියන් බෑන්කර් සඟරාවේ මවු සමාගම වන ටැබ් ග්ලෝබල් හි ගෝලීය පර්යේෂණ සහ උපදේශන සඳහා අනුබද්ධිත ආයතනය වන ටැබ් ඉන්සයිට්ස් විසින් 2023 වසරේ ශ්‍රී ලංකාවේ ශක්තිමත්ම බැංකුව ලෙස කොමර්ෂල් බැංකුව ශ්‍රේණිගත කර ඇත. ටැබ් ග්ලෝබල් 1000 ශ්‍රේණිගත කිරීම්වල දෙවන ප්‍රබලතම ශ්‍රී ලාංකේය බැංකුවට වඩා ස්ථාන 265ක් ඉහළින් කොමර්ෂල් බැංකුව ශ්‍රේණිගත කර තිබීම විශේෂත්වයකි. ශ්‍රී ලංකාවේ පරිසරයට කාබන් මුදාහැරීම 100% තුලනය කළ ප්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු දේශීය බැංකුව වන්නේ ද කොමර්ෂල් බැංකුවයි.
මෙම ශ්‍රේණිගත කිරීම පිළිබඳ කොමර්ෂල් බැංකුවේ කළමනාකාර අධ්‍යක්ෂ/ප්‍රධාන විධායක නිලධාරී සනත් මනතුංග පවසන්නේ “ඔරොත්තු දීමේ හැකියාව නිරූපණය කරන ‘ශක්තිය’ මූල්‍ය ආයතනයකට වඩාත්ම වැදගත් දර්ශකයක් වන අතර එය අද ශ්‍රී ලාංකේය සන්දර්භය තුළදී වඩාත් අනුකූල වන බවයි. මේ වනවිට දිවයින පුරා බැංකු ශාඛා 271ක් සහ ස්වයංක්‍රීය ටෙලර් යන්ත්‍ර 957ක් ක්‍රියාත්මක කරයි.
