1K
ජාතික ශිෂ්‍යභට බළකායේ වාර්ෂික හර්මන් ලූස් සහ ද සොයිසා ශූරතාවලිය 2023 හි විසිරයෑමේ පෙළපාළිය රන්ටැඹේ ජාතික ශිෂ්‍යභට බළකා පුහුණු මධ්‍යස්ථානයේදී නොවැම්බර් 2වැනිදා පැවැත්විණි. එයට ප්‍රධාන අමුත්තා වශයෙන් එක්වූ ආරක්ෂක රාජ්‍ය ඇමැති ප්‍රමිත බණ්ඩාර තෙන්නකෝන් විසිරයෑමේ පෙළපාළිය පරීක්ෂා කරන අයුරු මෙහි දැක්වේ.
ජනාධිපති රනිල් වික්‍රමසිංහයන් විසින් 2023 වසරේදි ජාතික ශිෂ්‍යභට බළකාය වෙත ජනාධිපති වර්ණ හා බළකා වර්ණ පිරිනැමීමෙන් පසු පවත්වනු ලැබූ පළමු පෙළපාළිය ද මෙය විය. ශිෂ්‍යභට බළකායේ ක්‍රියාකාරකම් නවීන තාක්ෂණික ක්‍රමවේදයන් ඔස්සේ ප්‍රචලිත
සහ ප්‍රවර්ධනය කිරීමට ද දැන් කටයුතු කරගෙන යයි. මෙහිදි කොළඹ ආනන්ද විද්‍යාල ශිෂ්‍යභට ඛණ්ඩය සහ මහනුවර උසස් බාලිකා විද්‍යාලය වසර 2023 හර්මන් ලූස් සහ ද සොයිසා ශූරතා හිමිකරගනු ලැබීය.
