* ස්ත්‍රියකගේ අවමඟුලක් – සියලු කටයුතු සහ සැලසුම් කඩාකප්පල් වේ.
* ස්ත්‍රියකගේ මළ සිරුර කපන අයුරු – දරු ගැබට හානි සිදු වේ.
* දන්නා හඳුනන ස්ත්‍රියක සමඟ කරන කතාබහ – කරන කියන කටයුතු කඩාකප්පල් වේ.
* මිතුරියකගේ වැලපීම – අපකීර්තියට පත්වේ.
* මිතුරියක විසින් තමාට අනතුරක් කරන අන්දම – පවුලේ අයකුට අසනීප වේ.
* දිවිනසා ගත් ස්ත්‍රිය – නීතිය ඉදිරියට යන්නට සිදු වේ. තමාට අවාසි සහගතය.
* ගැබිනි කාන්තාව – සියලු කටයුතු සාර්ථක වේ.
* සිඟිති දරුවකු සහ මව – ප්‍රීතියෙන් කාලය ගත කරන්නට හැකි වේ.
* දරුවකුට කිරි දෙන මවක් – අන් අයගේ ගෞරවයට පාත්‍ර වේ.
* ස්ත්‍රියකගේ ළයමඬල – සහකාරිය හෝ සහකරු නිසා අපහාස විඳින්නට සිදු වේ.
* වැලපෙන කාන්තාවක් – මුදල් නැතිභංග වීම සිදු වේ.
* ස්ත්‍රියක විසින් තමාට මුදල් දෙන අයුරු – තමා පිළිබඳව හිතවතුන් අතර කලකිරීමක් ඇති වේ.
* අලුත් වළඳක් ගෙට ගෙනඒම – ධන ලාභ
* දානමය පින්කමක නියුතු වන අයුරු – ණයවීමට මඟ පෑදේ.
* මහ පිරිසක් මැදින් ගමන් කරන අන්දම – තමන්ගේම සමීපතමයන්ගෙන් කරදර හිරිහැර සිදු වේ.
* සර්පයකු මරා දමන අන්දම – බලාපොරොත්තු සුන් වේ.
* නාගයකුට බියවී දිව යන අයුරු – තමාගේ මිතුරකු විසින් කරනු ලබන සතුරුකමක්.
* අලියකුට බිය වී දිව යන ආකාරය – සිත් වේදනා ගෙන දෙන සිදුවීමක ආරම්භයයි.
* මළගිය අයකු සමඟ කතා කිරීම – සිත තැති ගන්වන කරදරයක් ඇති වේ.
* තමන් නිරුවතින් ගමන් කරන අන්දම – කරන කියන කටයුතු සාර්ථක වේ.
* පිරිත් හෝ ගාථා කියන අවස්ථාවක ඊට සවන් දෙන අන්දම – ප්‍රීතිමත් ජීවිතයක ආරම්භය
* කිසියම් කරුණක් සම්බන්ධයෙන් අත්අඩංගුවට පත්වීම – අනුකම්පා කරන්නට ගොස් භූමිකම්පාවකට බඳුන් වේ.
* කිසිවකු සමඟ දබර කරගැනීම – වැඩිහිටියකුට විශේෂයෙන් මවට අගුණ කාලයකි.
* විනෝද චාරිකාවක යෙදීම – බලාපොරොත්තු වන ප්‍රේම සම්බන්ධතාවට මුල පිරේ.
* නැවක හෝ බෝට්ටුවක නැඟී යන අයුරු – ශරීර සෞඛ්‍යය පිරිහී ඒ සඳහා මුදල් වැය වේ.
* වන්දනා ගමනක යෙදෙනවා දැකීම – බලාපොරොත්තු වන කාර්ය සාර්ථකය.
* හුදෙකලාවේ විශාල මාර්ගයක ගමන් කිරීම – බොහෝ ප්‍රීතිමත් කාලයක් උදා වේ. එහෙත් වැයපස අධිකය.
* උස කන්දක් නඟිමින් සිටින අන්දම – අපහාස අවමන් විඳින්නට සිදු වේ.
* ඇළක දොළක හෝ ගඟක පිහිනන අන්දම – සමීපතමයන් සමඟ සිත් අමනාපකම් ඇති වේ.
* ගල් කුළක් මතින් හෝ කන්දකින් පහළට පනින ආකාරය – දැඩි ලෙස සිත් වේදනා විඳින්නට සිදු වේ.
ප්‍රවීණ ජ්‍යොතිර්වේදී සුදත් රත්නායක