නවලෝක රෝහල් සමූහය, රෝහල් ඉතිහාසයේ ප්‍රථම වතාවට mini nephrolithotomy mini-PCNL භාවිතයෙන් සංකීර්ණ වකුගඩු ගල් ඉවත් කිරීමේ ශල්‍යකර්මයක් සාර්ථකව සිදු කරමින් විශිෂ්ට ජයග්‍රහණයක් ලබා ඇත. සම්පූර්ණ වම් වකුගඩුව සම්බන්ධව සෙන්ටිමීටර 4 ක දැවැන්ත වකුගඩු ගලක් ඉවත් කරන ලද මෙම ක්‍රියා පටිපාටියේ සංකීර්ණත්වය හේතුවෙන් මෙය වෛද්‍ය විද්‍යාවේ දැවැන්ත ඉදිරි පියවරක් ලෙස සලකනු ලැබේ.
අතිනවීන තාක්‍ෂණයෙන් සහ අතිනවීන යන්ත්‍ර සූත්‍රවලින් සන්නද්ධ වූ නවලෝක වෛද්‍ය කණ්ඩායම, කිසිදු ශේෂයක් ඉතිරි නොකර මුළු වකුගඩු ගලම ඉවත් කිරීමට සමත් වූයේ සිය විශිෂ්ටත්වය සනිටුහන් කරමිනි. ශල්‍ය වෛද්‍යවරයා, හෙද සහායකයින් දෙදෙනෙක්, වෛද්‍ය තාක්ෂණික නිලධාරීන් දෙදෙනෙක් සහ එක් විකිරණවේදියෙක් ඇතුළුව ශල්‍ය වෛද්‍ය කණ්ඩායමේ සාමාජිකයින් හය දෙනෙකු පමණක් සිටි මෙම සියුම් ශල්‍යකර්මයේ සාර්ථකත්වය කණ්ඩායම් හැඟීමෙන් වැඩ කිරීමේ
ප්‍රතිඵලයකි.
