සුවඳ කරමු උතුම් වෙසක්!
මල් පිපිලා මහ පොළවේ දසත සුවඳ කරන වෙසක්
සිල් පිරිලා මෙත් කරුණා ගුණ දරනා මහිම වෙසක්
මල් පිපිලා විල් පතුලේ දියෙන් මතුව නෙළුඹු මලක්
සුවඳ වෙලා එලෙස ලොවම සුවඳ කරමු උතුම් වෙසක්
- ජ්‍යෙෂ්ඨ මහාචාර්ය පූජ්‍ය පාතේගම ඤාණිස්සර හිමි
වසර 4කට පසු වෙසක් උත්සවය රට පුරා මෙවර විචිත්‍රවත් අන්දමින් පැවත්විණි. බුද්ධ රශ්මි ජාතික වෙසක් මංගල්‍ය වෙනුවෙන් ගාලු මුවදොර ෂැංග්‍රිලා හරිත භූමියේ සහ ජනාධිපති කාර්යාල පරිශ්‍රයේ තොරණ, පහන් කූඩු, භක්ති ගීත, දන්සල්, සීලභාවනා ඇතුළු වැඩසටහන් රැසක් සංවිධානය කර තිබුණි.
දිවයිනේ සියලු වෙසක් කලාප ආශ්‍රිත ප්‍රදේශ සහ විශේෂ පූජනීය ස්ථාන ආවරණය වන පරිදි විශේෂ බස් රථ සේවාවක් වෙසක් කාලය තුළ ක්‍රියාත්මක කිරීමට පියවර ගෙන ඇති බව ලංකා ගමනා ගමන මණ්ඩලය පවසයි. ඒ අනුව වෙසක් සතිය තුළ උදෑසන 6 සිට මධ්‍යම රාත්‍රී 12 දක්වා මෙම ප්‍රවාහන සේවාව ක්‍රියාත්මකය.
