75 වන ජාතික නිදහස් දින උත්සවයේ පෙරහුරු පැවැත්වීම හේතුවෙන් කොළඹ ප්‍රදේශ කිහිපයක විශේෂ රථවාහන සැලැස්මක් ක්‍රියාත්මක කෙරේ.
අද (28),හෙට(29) මෙන්ම ලබන මස 01 වනදා දෙවනදා හා තුන්වනදා මෙම රථවාහන සැලැස්ම ක්‍රියාත්මකය.
ඒ අනුව උදෑසන 05.00 සිට දහවල් 12.00 දක්වා මාර්ග කිහිපයක රථවාහන ගමනාගමනය සීමා කර ඇති බව පොලීසිය පවසයි. ඇතැම් මාර්ග වසා දැමෙන අතර විකල්ප මාර්ග භාවිත කරන ලෙසට පොලීසිය දැනුම් දේ.
ඒ අනුව ගාලු මුවදොර මැදපාර,ගාලුමුවදොර වටරවුමේ සිට එන්එස්ඒ වටරවුම දක්වා සහ චෛත්‍ය පාර ප්‍රදේශය කොල්ලුපිටිය හන්දියෙන් ගාලු මුවදොර වටරවුම දෙසට සහ කොල්ලුපිටිය දුම්රියපොල පාර වෙත ඇතුළුවීමට සීමා පනවා තිබේ.
ඒ ඇතුළු තවත් මාර්ග කිහිපයකම රථවාහන ගමනාගමනයට සීමා පනවා ඇති බව පොලීසිය නිවේදනය කරයි. එම මාර්ග භාවිත කරන පදිංචිකරුවන්ට රථවාහන නිලධාරීන්ගේ උපදෙස් පරිදි ගමන් කිරීම සඳහා අවස්ථාව සළසා දී තිබේ.
