ශ්‍රී ලංකා ආර්ථිකය ගැන ලෝක බැංකුවෙන් ඇගයීමක් | සිළුමිණ

ශ්‍රී ලංකා ආර්ථිකය ගැන ලෝක බැංකුවෙන් ඇගයීමක්

රටේ ආර්ථිකය නගා සිටුවීම සඳහා ශ්‍රී ලංකා රජය ගෙන යන වැඩපිළිවෙළ ලෝක බැංකුව අගය කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.
 
මුදල් රාජ්‍ය අමාත්‍ය ෂෙහාන් සේමසිංහ සමඟ ඊයේ (03) පැවති විශේෂ සාකච්ඡාවකදී ශ්‍රී ලංකා, මාලදිවයින සහ නේපාලය සඳහාවන ලෝක බැංකුවේ අධ්‍යක්ෂ Faris Hadad-Zervos මහතා පවසා ඇත්තේ කඩා වැටුණු ආර්ථිකය, ශ්‍රී ලංකා රජය යථා තත්ත්වයට පත් කිරීමට විවිධ ක්‍රියාමාර්ග ගනිමින් සිය කැපවීම පෙන්නුම් කරන බවයි. 
 
ලෝක බැංකුව මෙම තත්ත්වය සමීපව නිරීක්ෂණය කරමින් සිටින බවත්, තවදුරටත් පාලන ප්‍රතිසංස්කරණ, විස්තීර්ණ ණය ප්‍රතිව්‍යුහගත කිරීමක් සහ ජාත්‍යන්තර මූල්‍ය අරමුදලේ වැඩසටහනක ප්‍රගතිය ඉදිරියට ගෙන යාමට රජය දිරිමත් කරන බවත් ඔහු අවධාරණය කළේය.
 
භාණ්ඩාගාර ලේකම් මහින්ද සිරිවර්ධන, විදේශ සම්පත් දෙපාර්තමේන්තුවේ අධ්‍යක්ෂ ජනරාල් අජිත් අබේසේකර, රාජ්‍ය මූල්‍ය ප්‍රතිපත්ති දෙපාර්තමේන්තුවේ අධ්‍යක්ෂ ජනරාල් ආචාර්ය කපිල සේනානායක මහතා ඇතුළු නිලධාරීහු මෙම සාකච්ඡාවට සහභාගි වූහ.

Comments