ශ්‍රී ලංකාවේ කැනේඩියානු මහ කොමසාරිස් ඩේවිඩ් මැකිනන් මහතා සහ මහජන ආරක්ෂක ඇමැති ටිරාන් අලස් මහතා අතර හමුවක් ඊයේ (26) මහජන ආරක්ෂක අමාත්‍යාංශයේදී පැවැත්විණ.
ශ්‍රී ලංකාව සහ කැනඩාව අතර ද්විපාර්ශ්වික රාජ්‍ය තාන්ත්‍රික සම්බන්ධතාව ගැන එහිදී සාකච්ඡා කෙරුණු අතර ශ්‍රී ලංකාව මුහුණ දී සිටින අර්බුදයෙන් මිදී හැකි ඉක්මනින් ආර්ථික ස්ථාවරත්වයක් ඇති කර ගැනීම කැනඩාවේ අපේක්ෂාව වන බව ඩේවිඩ් මැකිනන් මහතා සඳහන් කළේය.
මෙහිදී රට තුල පවතින වත්මන් තත්වය ගැනත් දේශපාලනික වශයෙන් පවතින මහජන විරෝධතා පිළිබඳවද මෙම සාකච්ඡාවේදී අදහස් හුවමාරු කෙරිණි. තවද ඩේවිඩ් මැකිනන් මහතා මානව හිමිකම් ආරක්ෂා කර ගැනීමේ වැදගත්කම ගැනද මෙහිදී අවධාරණය කළේය.
