පාලිත බණ්ඩාරට රීදී පදක්කමක් | සිළුමිණ

පාලිත බණ්ඩාරට රීදී පදක්කමක්

පොදු රාජ්‍ය මණ්ඩලීය පැරා ක්‍රීඩා උළෙලේදී රිදී පදක්කමක් දිනා ගැනීමට පාලිත බණ්ඩාර සමත් විය.
 
ඒ අනුව ඔහු සහභාගී වූ කවපෙත්ත විසි කිරීමේ F42-44/61-64 පැරා තරඟ ඉසව්වෙන් මීටර් 44.20 ක දක්ෂතාවයක් දක්වමින් එම පදක්කම දිනා ගැනිමට ඔහු සමත් වුණි. 
 
30 හැවිරිදි පාලිත බණ්ඩාර සිය පස්වැනි සහ අවසාන උත්සාහයේදී මීටර් 44.20ක් විසි කළේ ඔහුගේ පෞද්ගලික හොඳම දක්ෂතාව සනිටුහන් කරමිනි.
 
ශ්‍රී ලංකා ජාතික ආරක්ෂක බළකායට අනුයුක්ත යුද හමුදා කෝප්‍රල්වරයකු වන බණ්ඩාර, පොදුරාජ්‍ය මණ්ඩලීය ක්‍රීඩා උළෙලේදී පැරා ක්‍රීඩා ඉසව්වෙන් පදක්කමක් දිනූ පළමු ශ්‍රී ලාංකිකයා ලෙස ඉතිහාස ගතවේ. 
 
මේ අතර වේල්ස් පැරා මලල ක්‍රීඩකයින් වන ඇලඩ් ඩේවිස් සහ හැරිසන් වොල්ෂ් පිළිවෙලින් එම ඉසව්වේ  රන් සහ ලෝකඩ පදක්කම් දිනා ගත්හ.
 
බණ්ඩාරගේ වම් දණහිසට ඉහළින් ඇති මාංශ පේශිවල ක්‍රියාකාරිත්වය අඩාල වීම හේතුවෙන් ඔහුගේ ආබාධය F42 කාණ්ඩයට අයත් වේ.

Comments