එළිසබෙත් මහ රැජිනගෙන් ශ්‍රී ලංකා ජනපතිට සුබ පැතුම් | සිළුමිණ

එළිසබෙත් මහ රැජිනගෙන් ශ්‍රී ලංකා ජනපතිට සුබ පැතුම්

ශ්‍රී ලංකා ජනාධිපති රනිල් වික්‍රමසිංහ මහතා වෙත එංගලන්තයේ දෙවන එලිසබෙත් මහ රැජින විසින් සිය සුබපැතුම් එක්කර තිබේ.
 
බ්‍රිතාන්‍යය සහ ශ්‍රී ලංකාව  අතර පවතින මිත්‍රත්වය අඛණ්ඩව පවත්වාගෙන යාමට අපේක්ෂා කරන බව රැජින සිය සුබපැතුම් පණිවුඩයෙන් සදහන් කර ඇත. 
 
ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලය විසින් ජනාධිපති රනිල් වික්‍රමසිංහ මහතා වෙත එලිසබෙත් මහ රැජිනගේ සුබපැතුම් පණිවිඩය යොමු කර තිබේ.
 
එම පණිවිඩයේ සිංහල අදහස මෙසේය.
 
“ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති ධූරයට පත් වූ ඔබට මගේ සුබ පැතුම් පිරිනැමීමට කැමැත්තෙමි.
 
ඔබතුමාගේ ජනාධිපති ධුර කාලය තුළ අප දෙරට අතර උණුසුම් මිත්‍රත්වය දිගටම පවත්වාගෙන යාමට මම බලාපොරොත්තු වෙනවා.
 
ඔබේ අනාගත භූමිකාවට සහ ඔබේ රටේ සහ ජනතාවගේ සාර්ථකත්වයට සහ සතුටට මම මගේ සුබ පැතුම් එවන්නෙමි."
 

Comments