ජසින්තා ගලබඩආරච්චි ලාංකේය සම්භවයක් ඇති සුපිරි කාන්තා පාපන්දු තාරකාවියකි.20 හැවිරිදි ජසින්තා ගේ පියා ලාංකිකයෙකි.ඇගේ සම්පුර්ණ නම කියවෙන්නේ ජසින්තා ප්‍රේමා ද නීවා ගලබඩආරච්චි ලෙසය.
ජසින්තා ගලබඩආරච්චි දැනට සුප්‍රසිද්ධ සෙල්ටික් පාපන්දු සමාජය නියෝජනය කරමින් ස්කොට්ලන්ත කාන්තා පාපන්දු ලීගයට ක්‍රීඩා කරන්නීය. ඊට අමතරව ඕස්ට්‍රේලියානු ජාතික වයස අවුරුදු 20 න් පහළ කණ්ඩායමේ ඉදිරිපෙළ ක්‍රීඩිකාවකි. ජසින්තා ගලබඩආරච්චි ස්කොට්ලන්ත කාන්තා පාපන්දු ලීගයේ සෙල්ටික් පාපන්දු සමාජය වෙනුවෙන් දැක්වූ දස්කම් මත සම්මාන දෙකක් දිනා ගැනීමට සමත් වුවාය.
ඒ 2022 වසරේ වෘත්තීය පාපන්දු ක්‍රීඩකයන්ගේ සංගමය ස්කොට්ලන්තයේ තරුණ පාපන්දු ක්‍රීඩිකාව ලෙස ජසින්තා නම් කර ඇත.එමෙන් ම ජසින්තා ගලබඩආරච්චි 2022 වසරේ සෙල්ටික් පාපන්දු සමාජයේ හොඳම කාන්තා පාපන්දු ක්‍රීඩිකාවට හිමි සම්මානය ද දිනා ගත්තාය. ඒ ජසින්තා සිය පාපන්දු දිවියේ ලැබූ ඉහළම සම්මාන දෙකයි.
ඕස්ට්‍රේලියානු වයස අවුරුදු 17න් පහළ පාපන්දු කණ්ඩායම නියෝජනය කළ ජසින්තා මෙල්බර්න් සිටි පාපන්දු සමාජය ද නියෝජනය කර ඇත.එංගලන්තයේ වෙස්ට්හැම් යුනයිටඩ් කාන්තා පාපන්දු කණ්ඩායමේ හිටපු ක්‍රීඩිකාවක් වන ජසින්තා ගලබඩආරච්චි ස්කොට්ලන්තයේ සෙල්ටික් කාන්තා පාපන්දු කණ්ඩායම නියෝජනය කිරීමට පෙර ඉතාලියේ නැපෝලි කාන්තා පාපන්දු කණ්ඩායමට ද ක්‍රීඩා කර ඇත.
ඕස්ට්‍රේලියානු ඉදිරි පෙළ දක්ෂ පාපන්දු තාරකාවක් වන ජසින්තා ගලබඩආරච්චි එංගලන්තයේ වෙස්ට් හැම් යුනයිටඩ් කාන්තා පාපන්දු සමාජය සමඟ එක්ව තිබේ. “මට වයස අවුරුදු අටේ ඉඳලා එංගලන්තයේ ක්‍රීඩා කිරීමට අවශ්‍ය වූණා. වෙස්ට් හැම් යුනයිටඩ් සමඟ එක්වීමේදී මගේ සිහිනය සැබෑ වුණා යැයි ඈ පවසන්නීය.වෙස්ට් හැම් පාපන්දු ක්‍රීඩා සමාජය ක්‍රීඩා කරන ආකාරය සහ එම සමාජය සතු වටිනාකම්වලට මම ඇත්තෙන්ම කැමතියි. මේ පියවර මට සිහිනයක්, මේ සිහිනය යථාර්ථයක් බවට පත්වුණා.
මැන්චෙස්ටර් සිටි සමඟ පුහුණුවීමෙන් පසු එංගලන්තයට යාමට ගලබඩආරච්චි හට අවස්ථාව උදාවිය. කෙසේ වෙතත් එවකට 15 හැවිරිදි ජසින්තා මෙල්බර්න් සිටි සමඟ ගිවිසුමක් අත්සන් කළාය. ජසින්තා මීට පෙර මැටිල්ඩාස් පුහුණු කඳවුරකටද එක්ව තිබේ. ජසින්තා ගලබඩආරච්චි වික්ටෝරියා හි තම පාපන්දු දිවිය හැදී වැඩීම වගේ ම දකුණු ලන්ඩනය දක්වා සහ කාන්තා සුපර් ලීගය දක්වා ඇයව ගෙන ගිය සටන සුළුපටු නැත.
ජසින්තා ගලබඩආරච්චි කිසිවෙකුට එය උච්චාරණය කරන්න බැහැ. එය සෑම තැනකම සිදු වෙයි, ගලබඩආරච්චි ගැන වරක් ලන්ඩනයේ ඊවිනිං ස්ටෑන්ඩර්ඩ් පුවත්පත කියන්නට පටන් ගන්නේ ඇය ගැන මුලින්ම ඇසූ සැණින් සෑම දෙනාම පාහේ මතු කළ යුතු පළමු කරුණ එය යන්නයි.
ඒත් අමාරුයි. අකුරු 16ක් ඉතින් ඔයා මොනවද බලාපොරොත්තු වෙන්නේ ගලබඩආරච්චි, ඇය එක්සත් රාජධානියේ පුවත්පතකට සඳහන් කළේ, ඇය හැදී වැඩුණේ වික්ටෝරියානු උද්‍යාන භූමියේ පිරිමි ළමයින් සමඟ සටන් කරමින් ඉදිරියට පැමිණි බවයි.
ගැහැණු ළමයින්ට ගැහැණු ළමයින් සමඟ සෙල්ලම් කළ යුතු බවට ඔවුන් නීතියක් සකස් කළා, ඇය කියයි. මට පිරිමි කණ්ඩායම් සමඟ ක්‍රීඩා කිරීමට අවශ්‍ය වූයේ මට පුළුවන් කියලා හිතුණ නිසයි. මමයි මගේ අම්මයි තර්ක කළා ඒක සාධාරණ නැහැ කියලා. ඔවුන් අවසානයේ මට ක්‍රීඩා කිරීමට ඉඩ දුන්නා. පිරිමි ලීගයේ ක්‍රීඩා කරන එකම ගැහැණු ළමයා මමයි.
පිරිමි ළමයින් සමඟ ක්‍රීඩා කිරීම ඔබව වඩාත් ආක්‍රමණශීලී කරයි, ඔබව වේගයෙන් සිතීමට සලස්වයි, එංගලන්තයේ ක්‍රීඩාව ඉතා වේගවත් හා ආක්‍රමණශීලීය, ඒ නිසා මට ඉක්මනින් මෙහි ක්‍රීඩාවට අනුවර්තනය වීමට උපකාර කර ඇත. මෙහි පාපන්දු ඔස්ට්‍රේලියාවට වඩා වේගවත්, ආක්‍රමණශීලී සහ වේගය වැඩියි. මම ඉතා වෙනස් දකුණු ඇමරිකානු ආකාරයේ ශෛලියක් අනුගමනය කළේ ඇය පවසන්නීය.
නමුත් එය ක්‍රීඩකාවක් ලෙස මට දියුණු වීමට උපකාරී වනු ඇත. ධාවනය, වේගය, ආක්‍රමණශීලී බව සහ ඒ සියල්ල මට වඩා හොඳ වීමට අවශ්‍ය දේවල් වුණා. 
ඇයට වයස අවුරුදු 18 දී විශාල හැකියාවක් තිබුණා යමක් කරන්න , ඇය ඉදිරිපත් කරන දෙයින් මම අතිශයින් සතුටට පත්වෙනවා, පුහුණුකරු මැට් බියර්ඩ් පසුව පැවසීය. මම බොහෝ තරුණ ක්‍රීඩක ක්‍රීඩිකාවන් දැකලා තියෙනවා, මම තරුණ ක්‍රීඩක ක්‍රීඩිකාවන් සමඟ වැඩ කිරීමට හා ඔවුන් ඉදිරියට ගැනිමට කැමතියි. ඇයගේ හැකියාවන් අනුව මා දැක ඇති හොඳම ක්‍රීඩිකාවකි.
ජසින්තා ඇගේ සහෝදරයාගේ ක්‍රීඩාව නැරඹීමෙන් පසු වයස අවුරුදු පහේදී පාපන්දු ක්‍රීඩා කිරීමට පටන් ගත්තාය. වයස අවුරුදු 9 දී, මැන්චෙස්ටර් යුනයිටඩ් ඇකඩමියට පැමිණියාය. පසුව ඇය මැන්චෙස්ටර් සිටි ඩබ්ලිව්.එෆ්.සී. ඇකඩමිය සහ කණ්ඩායම සමඟ සති අටක පුහුණු කාලයක් ගත කළේය. වයස අවුරුදු 14 දී, 15න් පහළ පිරිමි ප්‍රිමියර් ලීග් කණ්ඩායමක් සඳහා ක්‍රීඩා කිරීමට ඇය කළ ඉල්ලීම වික්ටෝරියා පාපන්දු සම්මේලනය ප්‍රතික්ෂේප කරන ලදී. ලාංකේය සම්භවයක් ඇති ජසින්තා ගලබඩආරච්චි ඕස්ට්‍රේලියානු ජාතික ක්‍රීඩිකාවකි. ඇය මේ වන විට 20 හැවිරිදි වියෙහි පසුවේ. එංගලන්ත කාන්තා පාපන්දු තරගාවලිය සඳහා ලාංකික සම්භවයක් සහිතව ක්‍රීඩා කරන පළමු ක්‍රීඩිකාවද ඇයවේ.ජසින්තා සෙල්ටික් කණ්ඩායම නියෝජනය කරමින් ස්කොට්ලන්ත කාන්තා ප්‍රිමියර් ලීග් තරගාවලියට ක්‍රීඩා කරන්නීය.
එසේම ඔස්ට්‍රේලියානු අවුරුදු 20න් පහළ ජාතික කණ්ඩායමට ක්‍රීඩා කරන ඇය 2017 වසරේ පෙබරවාරි මාසයේදී ඔස්ට්‍රේලියාවේ ජ්‍යෙෂ්ඨ කණ්ඩායම සමග පුහුණු සැසිවලට ද කැඳවා තිබේ. ජසින්තා ගලබඩආරච්චි ඇයගේ මව් පාර්ශ්වයේ ආච්චිලා සීයලා හරහා ඇයට ඉතාලි පුරවැසිභාවය ද හිමිය.
ජසින්තා මෙල්බර්න් සිටි, පර්ත් ග්ලෝරි, වෙස්ට් හැම් යුනයිටඩ්, නැපෝලි කණ්ඩායම්වලට ක්‍රීඩා කර ඇති අතර වර්තමානයේදී ක්‍රීඩා කරන්නේසෙල්ටික් කණ්ඩායමටයි.
